Meta þörf á þjónustu, stuðningi og gera áætlun þar um. Upplýsa um og bjóða túlkaþjónustu þegar við á. Áhersla í viðtalinu ætti að taka mið af þörfum og óskum konunnar og gefa ætti tækifæri til umræðna og spurninga.

• Mæla blóðþrýsting og athuga eggjahvítu í þvagi
• Fara yfir, ræða og skrá niðurstöður allra skimana sem hafa verið framkvæmdar og bregðast við eftir þörfum
• Fara yfir svörun við skimunarlistum  fyrir þunglyndi og kvíða. Bregðast við niðurstöðum samkvæmt vinnulagi við meðferð þunglyndis og kvíða 
• Ræða/undirbúa fósturskimun við 20 vikur
• Undirbúa skimun fyrir rauðkornamótefnum hjá Rhesus D neikvæðum konum og greiningu á Rhesus D flokki fósturs
• Undirbúa skimun fyrir GDM hjá konum sem eru 35 ára-39 ára og ekki þurft skimun fyrir GDM fyrr á meðgöngunni
• Undirbúa seinni hluta skimunar fyrir GDM ef það á við
• Afla upplýsinga um áfallasögu og ofbeldi, hafi það ekki þegar verið gert. Bregðast við samkvæmt klínískum leiðbeiningum um ofbeldi
• Ræða líkamlegar breytingar á meðgöngu og hvers má vænta næstu vikur, t.d. tíðari þvaglát, tog á legböndum, samdrætti, útferð og kláða
• Ræða tilfinningalegar breytingar, stuðning í parsambandi sem og annan stuðning
• Ræða fósturhreyfingar, fyrstu merki og hvers má vænta næstu vikur
• Meta fræðsluþarfir og benda á viðeigandi fræðsluefni
  • Meðgöngukvillar, t.d. ógleði, hægðatregða og kláði. Benda á viðeigandi bjargráð og hvenær beri að leita frekari ráða
  • Val á fæðingarstað
  • Skipulögð fræðsla og námskeið sem eru í boði um undirbúning fæðingar, brjóstagjöf, slysavarnir o.fl.
• Ræða mikilvægi þess að huga vel að eigin heilsu
• Endurmeta áætlun í meðgönguvernd