25 vikur

Meta þörf á þjónustu, stuðningi og gera áætlun þar um. Áhersla í viðtalinu ætti að taka mið af þörfum og óskum konunnar og gefa ætti tækifæri til umræðna og spurninga.

  • Mæla blóðþrýsting og athuga eggjahvítu í þvagi
  • Mæla legbotnshæð og skrá á legvaxtarrit
  • Undirbúa skimun fyrir rauðkornamótefnum hjá Rhesus D neikvæðum konum og greiningu á Rhesus D flokki fósturs, hafi það ekki þegar verið gert
  • Undirbúa seinni hluta skimunar fyrir GDM ef það á við
  • Ræða fósturhreyfingar og hvers má vænta næstu vikur og hvert skal leita ef ekki finnast hreyfingar
  • Ræða breytingar á meðgöngu og hvers má vænta næstu vikur
  • Ræða eftirfarandi þegar við á:
    • Þróun tengslamyndunar
    • Parsamband, væntingar, kynlíf, andlega líðan, aðlögun að foreldrahlutverkinu
    • Brjóstagjöf, óskir, væntingar og undirbúning
    • Val á fæðingarstað
    • Skipulögð fræðsla og námskeið sem eru í boði um undirbúning fæðingar, brjóstagjöf, slysavarnir o.fl.
  • Meta fræðsluþarfir og benda á viðeigandi fræðsluefni
    • Meðgöngukvillar, t.d. óþægindi í baki, grind og nára, fótapirringur/krampar, svefntruflanir og skapsveiflur. Benda á viðeigandi bjargráð
  • Ræða mikilvægi þess að huga vel að eigin heilsu
  • Endurmeta áætlun í meðgönguvernd