28 vikur

Meta þörf á þjónustu, stuðningi og gera áætlun þar um. Áhersla í viðtalinu ætti að taka mið af þörfum og óskum konunnar og gefa ætti tækifæri til umræðna og spurninga.

  • Mæla blóðþrýsting og athuga eggjahvítu í þvagi
  • Mæla legbotnshæð og skrá á legvaxtarrit
  • Fara yfir, ræða og skrá niðurstöður þeirra skimana og rannsókna sem hafa verið framkvæmdar og bregðast við eftir þörfum
  • Bjóða skimun fyrir blóðleysi
  • Bjóða bólusetningu gegn kíghósta
  • Bjóða Rhesus D neikvæðum konum sem ganga með Rhesus D jákvætt fóstur Rhophylac ® mótefnasprautu
  • Gefa vottorð um væntanlegan fæðingardag fyrir fæðingarorlofssjóð
  • Ræða fósturhreyfingar og hvers má vænta næstu vikur og hvert skal leita ef ekki finnast hreyfingar
  • Ræða breytingar á meðgöngu og hvers má vænta næstu vikur
  • Ræða eftirfarandi þegar við á:
    • Þróun tengslamyndunar
    • Parsamband, væntingar, kynlíf, andlega líðan, aðlögun að foreldrahlutverkinu
    • Brjóstagjöf, óskir, væntingar og undirbúning
    • Fæðinguna, óskir, væntingar og undirbúning
    • Val á fæðingarstað
    •  Fæðingarorlof
  • Meta fræðsluþarfir og benda á viðeigandi fræðsluefni 
    •  Meðgöngukvillar, t.d. samdrættir, tog á legböndum,
       brjóstsviði, bjúgur. Benda á viðeigandi bjargráð   
  • Gera áhættumat
    • konur ≥ 35 ára, 
    • konur með BMI ≥ 35
  • Ræða mikilvægi þess að huga vel að eigin heilsu
  • Endurmeta áætlun í meðgönguvernd