34 vikur

Meta þörf á þjónustu, stuðningi og gera áætlun þar um. Áhersla í viðtalinu ætti að taka mið af þörfum og óskum konunnar og gefa ætti tækifæri til umræðna og spurninga.

  • Mæla blóðþrýsting og athuga eggjahvítu í þvagi
  • Mæla legbotnshæð og skrá á legvaxtarrit
  • Fara yfir, ræða og skrá niðurstöður rannsókna sem gerðar voru við 28 vikna meðgöngu hafi það ekki þegar verið gert
  • Fara yfir niðurstöður ómunar í þeim tilvikum þar sem fylgja var lágsæt eða fyrirsæt í 20 vikna ómun
  • Ræða fósturhreyfingar og hvers má vænta næstu vikur og hvert skal leita ef ekki finnast hreyfingar
  • Kynna eftirfylgd með konum sem greinst hafa með heilsuvanda á meðgöngu
  • Ræða eftirfarandi þegar við á:
    • Fæðinguna, óskir, væntingar og undirbúning
    • Ræða upphaf brjóstagjafar, nýburann og fyrstu dagana eftir fæðingu
    • Þróun tengslamyndunar
    • Parsamband, væntingar, kynlíf, andlega líðan, aðlögun að foreldrahlutverkinu
  • Meta fræðsluþarfir og benda á viðeigandi fræðsluefni
    • Meðgöngukvillar, t.d. óþægindi í baki og grind, þreyta, svefntruflanir. Benda á viðeigandi bjargráð
  • Ræða mikilvægi þess að huga vel að eigin heilsu
  • Endurmeta áætlun í meðgönguvernd