Meta þörf á þjónustu, stuðningi og gera áætlun þar um. Upplýsa um og bjóða túlkaþjónustu þegar við á. Áhersla í viðtalinu ætti að taka mið af þörfum og óskum konunnar og gefa ætti tækifæri til umræðna og spurninga.

• Mæla blóðþrýsting og athuga eggjahvítu í þvagi
• Mæla legbotnshæð og skrá á legvaxtarrit
• Athuga fósturstöðu. Gera viðeigandi ráðstafanir ef þörf er á og veita viðeigandi upplýsingar
• Ræða fósturhreyfingar og hvers má vænta næstu vikur og hvert skal leita ef ekki finnast hreyfingar
• Ræða væntanlega fæðingu með áherslu á að hver fæðing sé einstök
  • Fyrstu merki um að fæðing sé að byrja
  • Fyrirvaraverkir - aðdragandi fæðingar
  • Fæðingarhríðir
  • Eigin bjargráð og styrkleikar
  • Stuðningur í fæðingu
  • Mögulega fæðingarhjálp 
  • Verklag fæðingarstaða þegar fæðing er afstaðin
  • Fyrsta brjóstagjöfin
  • Sængurlega - heimaþjónusta ljósmæðra
• Fara yfir niðurstöður úr vaxtarmati ef það á við hjá þeim konum sem eru 40 ára og eldri
• Fara yfir niðurstöður úr vaxtarmati hjá konum með BMI ≥ 40
• Fara yfir áætlun eftir viðtal við fæðingarlækni hjá konum með
  BMI ≥ 35
• Kynna möguleika á samtali eftir fæðingu
• Bjóða eftirfylgd með konum sem greinst hafa með heilsuvanda á meðgöngu hafi það ekki þegar verið gert
• Meta fræðsluþarfir og benda á viðeigandi fræðsluefni
• Ræða mikilvægi þess að huga vel að eigin heilsu
• Endurmeta áætlun í meðgönguvernd