Mælt er með að fyrsta koma sé fyrir 12 vikna meðgöngu. Upplýsa um og bjóða túlkaþjónustu þegar við á. Meta þörf á þjónustu, stuðningi og gera áætlun þar um. Áhersla í viðtalinu ætti að taka mið af þörfum og óskum konunnar og gefa ætti tækifæri til umræðna og spurninga.
Bjóða má viðbótarheimsókn, ef ekki næst að gefa eða afla fullnægjandi upplýsinga í fyrstu heimsókninni.
Upplýsingar - skoðun
- Afla upplýsinga um líkamlegt og andlegt heilsufar, fjölskyldusögu, félagslegar aðstæður, stuðningsnet, lifnaðarhætti, áfallasögu, ofbeldi og fyrri meðgöngur og fæðingar
- Meta áhættuþætti
- Mæla blóðþrýsting og athuga eggjahvítu í þvagi
- Mæla hæð og þyngd og reikna út líkamsþyngdarstuðul
- Ræða mikilvægi þess að huga að eigin heilsu (næring, hreyfing, svefn og hvíld)
- Ráðleggja öllum konum að taka fólat og D vítamín
- Ræða áhrif tóbaksnotkunar, nikótíns, áfengis og annarra vímuefna ef við á
- Ræða breytingar á meðgöngu og hvers má vænta næstu vikur
- Veita upplýsingar um þá þjónustu sem veitt er á meðgöngu í heilsugæslu, hvert skuli leita, m.a. ef upp koma vandamál eða verkir
- Veita upplýsingar um skimanir og bólusetningar
Skimanir
- Bjóða blóðflokkun og skimun fyrir rauðkornamótefnum
- Bjóða skimun fyrir blóðleysi, lifrarbólgu B, lifrarbólgu C, HIV, rauðum hundum og sárasótt
- Bjóða skimun fyrir einkennalausri þvagfærasýkingu
- Bjóða upplýsingar um 11-14 vikna og 20 vikna ómskoðanir og skimun fyrir litningafrávikum og sköpulagsgöllum
- Bjóða skimun fyrir þunglyndi og kvíða. Senda EPDS og GAD-7 skimunarlista
- Bjóða skimun fyrir klamydíu hjá öllum 25 ára og yngri
- Bjóða skimun fyrir fjölónæmum bakteríum fyrir áhættuhópa
- Bjóða skimun fyrir meðgöngusykursýki fyrir áhættuhópa
- Bjóða skimun fyrir skjaldkirtilssjúkdómum fyrir áhættuhópa
Viðtal og/eða ráðgjöf fæðingarlæknis í upphafi meðgöngu - Konur með langvinnan háþrýsting
- Konur með sögu um pre-eclampsiu
- Konur með með BMI ≥ 40
- Konur með BMI ≥ 50 ráðgjöf fæðingarlæknis í áhættumæðravernd
- Konur með áhættuþætti fyrir fyrirburafæðiingu ráðgjöf fæðingarlæknis í áhættumæðravernd
- Konur sem ganga með tvíbura DC/DA meta þörf á viðtali við fæðingarlækni í upphafi meðgöngu
Viðtal við sérfræðiljósmóður - Konur sem ganga með tvíbura DC/DA
Fræðsla - Meta fræðsluþarfir og benda á viðeigandi fræðsluefni:
- Hvernig má stuðla að sem bestri heilsu á meðgöngu
- Breytingar á meðgöngu og meðgöngukvillar, t.d. ógleði, þreyta, tíð þvaglát, breyting á blóðrás. Benda á viðeigandi bjargráð og hvenær beri að leita frekari ráða
- Hvers má vænta næstu vikur varðandi líkamlegar og tilfinningalegar breytingar og breytingar á parsambandi, þegar við á
- Áætlun
- Gera áætlun um meðgönguverndina byggða á upplýsingaöflun og mati á áhættuþáttum
____________________________________________________