Meta þörf á þjónustu, stuðningi og gera áætlun þar um. Upplýsa um og bjóða túlkaþjónustu þegar við á. Áhersla í viðtalinu ætti að taka mið af þörfum og óskum konunnar og gefa ætti tækifæri til umræðna og spurninga.

• Mæla blóðþrýsting og athuga eggjahvítu í þvagi
• Mæla legbotnshæð og skrá á legvaxtarrit
• Athuga fósturstöðu og gefa viðeigandi upplýsingar
• Ræða fósturhreyfingar og hvers má vænta næstu vikur og hvert skal leita ef ekki finnast hreyfingar
• Kynna möguleika á samtali eftir fæðingu hafi það ekki þegar verið gert
• Bjóða eftirfylgd með konum sem greinst hafa með heilsuvanda á meðgöngu hafi það ekki þegar verið gert
• Bjóða framköllun fæðingar við 40-41 viku og viðeigandi upplýsingar hjá 
  • konum með GDMA, 
  • konum sem eru með BMI ≥ 35 
  • konum sem eru 40 ára og eldri
• Ræða mikilvægi þess að huga vel að eigin heilsu
• Endurmeta áætlun í meðgönguvernd