Gert er mat á þroska og skimað fyrir þroskafrávikum með PEDS og þroskamati.

• Áður en foreldrar fá PEDS-matsblað foreldra í hendur skal greina þeim frá því að athugun á hegðun og þroska sé mikilvægur þáttur í veittri þjónustu á heilsugæslustöðvum. Spyrja þarf hvort foreldrar vilji fylla blaðið út sjálfir eða hvort þeir vilji að einhver fari með þeim í gegnum spurningarnar.
• Sjá PEDS leiðbeiningar um framkvæmd og stigagjöf, PEDS stigablað, PEDS túlkunarblað.
• Gert er mat á þroska og skimað fyrir þroskafrávikum. Almennt má framkvæma þroskamatið með þremur mismunandi aðferðum: beinni athugun, óbeinni athugun og/eða upplýsingum foreldra. 
• Athugið hvort athugasemd hefur verið gerð áður um þroska barns sem þarf að fylgja eftir. Endurtakið atriði úr fyrra þroskamati sem voru óeðlileg og metið útkomu í samhengi við 12 mánaða þroskamat.

PEDS-matsblað foreldra á íslensku , ensku , frönsku, kínversku, pólsku, spænsku, rússnesku, swahili, tælensku, víetnömsku.

Þroskamat 12 mánaða: 

Mæla þyngd, lengd og höfuðummál.

Almenn skoðun – sjá leiðbeiningar um líkamsskoðun barna.

Athugið hvort skán er á framtönnum í efri gómi. Eru tennur barns burstaðar með flúortannkremi tvisvar sinnum á dag? 

Afhendið foreldrum tannbursta ef tennur barns eru illa hirtar og skán situr á framtönnum efri góms. Fylgist með og leiðbeinið þegar foreldri burstar tennur barnsins.

• Þriðja bólusetning með Pentavac gegn barnaveiki, kíghósta, stífkrampa, haemophilus influenzae hjúpgerð b og mænusótt.
• Þriðja bólusetning með Synflorix gegn pneumókokkum.
• Fyrsta bólusetning með Varilrix gegn hlaupabólu.
• Upplýsið foreldra um hugsanlegar aukaverkanir.
• Upplýsingar um bólusetningar barna fyrir foreldra og aðstandendur.
• Verklag við bólusetningar barna.

Fylgja þarf eftir konum sem skimast með vanlíðan á meðgöngu og eftir fæðingu skv. flæðiriti

Vinnulag við skimun og meðferð þunglyndis og kvíða í ung- og smábarnavernd

Hér má finna EPDS og GAD-7 á ýmsum tungumálum