Fjögurra ára skoðun

Markmið:

Greina frávik í heilsu og þroska barns við 4 ára aldur og veita foreldrum fræðslu og stuðning.

Fyrirkomulag:

Hjúkrunarfræðingur. Áætlaður tími í skoðun er 60 mínútur.

Verkþættir:

A. Upplýsingasöfnun, fræðsla og ráðgjöf

B. Þroskamat

C. Líkamsskoðun

D. Bólusetning

E. Sjónpróf

Hafa í huga

Eru einhver vandamál sem þarf að fylgja eftir?

Er barn fullbólusett?

Yfirfarið sjúkragögn og hugið að rauðum flöggum sem þarf að fylgja eftir áður en barn hættir í ung- og smábarnavernd.

Er barnið með skráðan heimilislækni í Sögu?

Vísið foreldrum sem ekki hafa farið með barnið í tannskoðun til heimilistannlæknis.

Fræðsla

Þroskaferlið

Næring

Svefn og hvíld

Líðan

Hreyfing

Tóbak og áfengi

Meta þarf út frá aðstæðum hverju sinni hvaða stuðning og fræðslu foreldrar þurfa á að halda.

Áhersla er lögð á:

Næringu
Lýsi
Þroska, hreyfingu og málörvun barns
Uppeldi, hegðun og aga, sjónvarpsáhorf
Fræðsluefnið „Þetta er líkaminn minn“
Tannhirðu barns
Slysavarnir

Gert er mat á þroska og skimað fyrir þroskafrávikum með PEDS og Brigance þroskaskimun.

Áður en foreldrar fá PEDS-matsblað foreldra í hendurnar skal greina þeim frá því að athugun á hegðun og þroska sé mikilvægur þáttur í veittri þjónustu á heilsugæslustöðvum. Spyrja þarf hvort foreldrar vilji fylla blaðið út sjálfir eða hvort þeir vilji að einhver fari með þeim í gegnum spurningarnar.
Sjá PEDS leiðbeiningar um framkvæmd og stigagjöf og PEDS stigablað.
Fylgið leiðbeiningum á PEDS túlkunarblað og notið notið klínískt mat við túlkun niðurstaðna. Hafið í huga fyrri áhyggjur og leitið eftir upplýsingum frá leikskóla ef ástæða er til.
Brigance þroskaskimun fyrir 4 ára börn. Leggið Skemmri skimun fyrir barnið, skoðið útkomu og fylgið ráðleggingum. Brigance þroskaskimun - skref í túlkun niðurstaðna.
Ef frávik greinast er mikilvægt að bregðast við og/eða vísa í viðeigandi úrræði.

PEDS-matsblað foreldra á íslensku, ensku, frönsku, kínversku, pólsku, spænsku, rússnesku, swahili, tælensku, víetnömsku.

Mæla þyngd og lengd.

Almenn skoðun – sjá leiðbeiningar um líkamsskoðun barna.

Tilvísun til tannlæknis ef barn er ekki með skráðan heimilistannlækni.

Bólusetning með Boostrix gegn barnaveiki, kíghósta, stífkrampa.
Upplýsið foreldra um hugsanlegar aukaverkanir.
Upplýsingar um bólusetningar barna fyrir foreldra og aðstandendur.
Verklag við bólusetningar barna.

Sjónpróf gert og athugað hvort eðlileg samsjón sé til staðar.

4 ára börn eiga að sjá 0,8 (6/7,5) með hvoru auga um sig. Ef barn nær ekki þessari sjón eða ef munar meira en einni línu á sjón hægra og vinstra auga þarf að vísa því til augnlæknis.

Senda þarf öll börn til augnlæknis sem ekki hafa eðlilega samsjón.