Sex vikna skoðun

Sex vikna skoðun

No image selected

Markmið:

Greina frávik í heilsu og þroska barns við 6 vikna aldur og veita foreldrum fræðslu og stuðning.

 

Fyrirkomulag: 

Hjúkrunarfræðingur og læknir. Mælt með að barnalæknir komi að skoðuninni sé hann til staðar. Skoðunin fer fram á heilsugæslustöð. Áætlaður tími í skoðun er 30 mínútur, en lengd hennar ræðst af þörfum barns og fjölskyldu hverju sinni. Upplýsa og bjóða túlkaþjónustu þegar við á.  

 

Verkþættir:

    A. Upplýsingasöfnun, fræðsla og ráðgjöf

    B. Þroskamat

    C. Líkamsskoðun

    D. Bólusetning

    E. Skráning

Hafa í huga

Byrja á að spyrja foreldra hvort það sé eitthvað sérstakt sem þeir vilja spyrja um í dag og hvort þeir hafi einhverjar áhyggjur af barni sínu.

Skoða sjúkraskrá barns og athuga hvort athugasemdir hafi verið gerðar sem þurfi að skoða betur.

Vera vakandi fyrir líðan foreldra, fíkniefna- og áfengisneyslu, vanrækslu og ofbeldi.

Fræðsla

Gefa tækifæri til umræðna og spurninga, meta þörf á stuðningi og fræðslu og benda á viðeigandi fræðsluefni, m.a. á Heilsuveru.

Upplýsingasöfnun, fræðsla og ráðgjöf

  • Skoða sjúkraskrá barns og athuga hvort athugasemdir hafi verið gerðar sem þurfi að skoða betur
  • Brjóstagjöf / ungbarnablanda 
  • D-vítamín (10 μg/dag) frá 1–2 vikna aldri 
  • Mat á tengslamyndun, að lesa í tjáningu ungbarns
  • Grátkúrfan
  • Skakkt höfuð ungbarna
  • Öruggt svefnumhverfi
  • Þroski og örvun 
  • Getnaðarvarnir
  • Mat á áhættuþáttum. Vera vakandi fyrir fíkniefna-áfengisneyslu foreldra, vanrækslu / ofbeldi

 

Fylgja þarf eftir konum sem skimast með vanlíðan á meðgöngu og eftir fæðingu.

LEI-0186 | Andleg vanlíðan á meðgöngu og eftir fæðingu | QM

LEI-0294 | EPDS og GAD-7 skráning í ung- og smábarnavernd | QM

LEI-0011 | Fjölskyldutré og tengslakort í ung- og smábarnavernd | QM

 

Hér má finna EPDS og GAD-7 á ýmsum tungumálum

Í 6 vikna skoðun móður boðið að fá senda rafræna spurningalista í Heilsuveru vegna EPDS og GAD-7 skimunar í 9 vikna skoðun. Útskýrt er að listarnir berist strax í Heilsuveru en viðkomandi beðinn um að svara þegar áminning berst 2 dögum fyrir 9 vikna skoðun. 

Gert er mat á þroska og skimað fyrir þroskafrávikum. Almennt má framkvæma þroskamatið með þremur mismunandi aðferðum: beinni athugun, óbeinni athugun og/eða upplýsingum foreldra.

Athugið hvort athugasemd hefur verið gerð áður um þroska barns sem þarf að fylgja eftir. Endurtakið atriði úr fyrra þroskamati sem voru óeðlileg og metið útkomu í samhengi við  6 vikna þroskamat.

Þroskamat 6 vikna

Mæla þyngd, lengd og höfuðummál.  Þegar frávik mælast er mikilvægt að hafa í huga mæliskekkjur. Endurteknar mælingar eru því mikilvægar þegar grunur vaknar um frávik á vaxtarlínuriti. Sjá nánar um vöxt barna.

Almenn skoðun – sjá leiðbeiningar um líkamsskoðun barna

Athugið tonus með því að rétta úr í olnbogum, mjöðmum, hnjám og fótliðum. Talsverður breytileiki í tonus er eðlilegur á þessum aldri. Sé um að ræða verulega hypo- eða hypertoni eða greinilegan mun vinstra og hægra megin ber að vísa barni áfram til nánari athugunar.

Ef barnið „fixerar“ ekki og fylgir ekki eftir. Athugið svörun sjáaldurs við ljósi (sjá áður). Athugið að gult eða gulhvítt sjáaldur getur bent til að um retinoblastoma eða sjúkdóm í augnbotnum sé að ræða. Sé um veruleg frávik að ræða ber að fá álit sérfræðings og í vafatilvikum skoða barnið aftur eftir 4–6 vikur.

Til baka á forsíðu Ung- og smábarnaverndar