Átta mánaða skoðun

Átta mánaða skoðun

No image selected

Markmið: 

Greina frávik í heilsu og þroska barns við 8 mánaða aldur og veita foreldrum fræðslu og stuðning. 

 

Fyrirkomulag:

Hjúkrunarfræðingur. Áætlaður tími í skoðun er 20 mínútur. 

 

Verkþættir:

    A. Upplýsingasöfnun, fræðsla og ráðgjöf

    B. Þroskamat

    C. Líkamsskoðun

    D. Skráning

Hafa í huga

Aldrei ætti að gefa barni hreina ávaxtasafa eða aðra sæta drykki í pela, því sykur skemmir tennurnar og ávaxtasýra eyðir tannglerungi.

Fræðsla

Gefa tækifæri til umræðna og spurninga, meta þörf á stuðningi og fræðslu og benda á viðeigandi fræðsluefni, m.a. á Heilsuveru.

Upplýsingasöfnun, fræðsla og ráðgjöf 

  • Næring og brjóstagjöf
  • Lýsi eða D-vítamíndropar
  • Þroski og örvun
  • Skjánotkun
  • Uppeldi, hegðun og aga
  • Svefn barn
  • Tannhirða
  • Slysavarnir
  • Mat á áhættuþáttum. Vera vakandi fyrir fíkniefna- og áfengisneyslu foreldra, vanrækslu og ofbeldi

Barna- og fjölskyldustofa - Farsæld barna

Athuga hvort athugasemd hefur verið gerð áður um þroska barns sem þarf að fylgja eftir. Endurtaka atriði úr fyrra þroskamati sem voru óeðlileg og meta útkomu.

Hægt er að leggja PEDS fyrir foreldra, ef þeir hafa áhyggjur af barni sínu. Veitið ráðleggingar og bendið á úrræði m.t.t. niðurstaðna.

Mæla þyngd, lengd og höfuðummál. Þegar frávik mælast er mikilvægt að hafa í huga mæliskekkjur. Endurteknar mælingar eru því mikilvægar þegar grunur vaknar um frávik á vaxtarlínuriti. Sjá nánar um vöxt barna.

Almenn skoðun – sjá leiðbeiningar um líkamsskoðun barna.

Til baka á forsíðu Ung- og smábarnaverndar