Meta þörf á þjónustu, stuðningi og gera áætlun þar um. Upplýsa um og bjóða túlkaþjónustu þegar við á. Áhersla í viðtalinu ætti að taka mið af þörfum og óskum konunnar og gefa ætti tækifæri til umræðna og spurninga.

           Upplýsingar og skoðun

• Mæla blóðþrýsting og athuga eggjahvítu í þvagi
• Mæla legbotnshæð og skrá á legvaxtarrit
• Ræða fósturhreyfingar og hvers má vænta næstu vikur og hvert skal leita ef ekki finnast hreyfingar
• Ræða breytingar á meðgöngu og hvers má vænta næstu vikur
• Ræða mikilvægi þess að huga vel að eigin heilsu (næring, hreyfing, svefn og hvíld)
• Ræða eftirfarandi þegar við á:
  • Þróun tengslamyndunar
  • Parsamband, væntingar, kynlíf, andlega líðan, aðlögun að foreldrahlutverkinu
  • Brjóstagjöf, óskir, væntingar og undirbúning
  • Fæðinguna, óskir, væntingar og undirbúning
  • Val á fæðingarstað
  •  Fæðingarorlof
  Skimanir
• Fara yfir, ræða og skrá niðurstöður þeirra skimana og rannsókna sem hafa verið framkvæmdar og bregðast við eftir þörfum
• Bjóða skimun f yrir blóðleysi og/eða járnskorti
  Vaxtarmat með ómskoðun
• Fara yfir og ræða niðurstöður síðasta vaxtarmats/ómskoðunar hjá þeim konum sem ganga með tvíbura DC/DA
  Bólusetningar
• Bjóða bólusetningu gegn  kíghósta
• Bjóða Rhesus D neikvæðum konum sem ganga með Rhesus D jákvætt fóstur, Rophylac® mótefnasprautu
  Mat á áhættuþáttum
• Fara yfir áhættuþætti og meta þörf á fyrirbyggjandi blóðsegameðferð
  Fræðsla
• Meta fræðsluþarfir og benda á viðeigandi fræðsluefni
  •  Meðgöngukvillar, t.d. samdrættir, tog á legböndum,
     brjóstsviði, bjúgur. Benda á viðeigandi bjargráð  
  Áætlun
• Endurmeta áætlun í meðgönguvernd  

        _______________________________