Aðgengi skólabarna að heilsuvernd

Markmið:
Tryggja að skólabörn hafi aðgengi að starfsfólki heilsuverndar í skólum.

Árangursviðmið:
Miða ætti eitt stöðugildi heilbrigðisstarfsmanns við 500 til 700 nemendur. Viðvera heilbrigðisstarfsmanns ætti ekki að vera sjaldnar en einu sinni í mánuði í minnstu skólunum.

Verkþættir:

• Kynna viðverutíma starfsmanna heilsugæslunnar í skólanum.
• Hafa ákveðinn auglýstan viðtalstíma þar sem börn geta leitað til starfsmanns heilsugæslunnar.
• Skipuleggja, í samráði við skólastjórnendur þjónustu við nemendur þegar óhöpp og slys verða.
• Veita fyrstu hjálp ásamt starfsfólki skólans þegar slys verða.
• Greina vanda þeirra sem hafa tíðar og/eða óljósar kvartanir í skóla og vísa þeim á viðeigandi úrræði.
  • Kanna umhverfi og aðstæður nemenda.
  • Viðtal við nemandann, foreldra og þá starfsmenn sem að honum koma.
  • Finna farveg fyrir málið innan eða utan skólans.
  • Áframhaldandi stuðningur við nemandann eftir því sem þurfa þykir.

 Samskipti

Viðmið:
Miða ætti eitt stöðugildi heilbrigðisstarfsmanns við 500 til 700 nemendur. Viðvera heilbrigðisstarfsmanns ætti ekki að vera sjaldnar en einu sinni í mánuði í minnstu skólunum.

Endurmenntun:

Stefnt er að því að bjóða starfsfólki heilsuverndar skólabarna upp á reglulega endurmenntun í formi vinnufunda og fræðslu sem nýtist í starfi.

Ískrárdagar

Kynning á ársskýrslu og nýjunum eru haldnir fyrir skólahjúkrunarfræðinga og hjúkrunarstjórnendur í byrjun september ár hvert.

Nýliðanámskeið er haldið í upphafi skólaárs ár hvert fyrir skólahjúkrunarfræðinga sem eru nýjir í starfi eða hafa komið nýlega til starfa.

Fræðslufundir

á vegum skólahjúkrunarfræðinga eru haldnir mánaðarlega yfir vetrartímann og er umsjón þeirra í höndum fagstjóra.

Fræðadagar Heilsugæslu höfuðborgarsvæðisins

er heilsugæslu miðuð ráðstefna sem haldin er í byrjun nóvember ár hvert.

Einnig er reynt að miðla upplýsingum um fræðslufundi, málstofur, eða ráðstefnur sem tengjast málefnum skólabarna til skólahjúkrunarfræðinga.

Starfsfólk heilsuverndar skólabarna er hvatt til að nýta sér þessa fræðslu.

Skráning

Starfsemi heilsuverndar skólabarna er skráð í rafræna sjúkraskrá, Ískrá. Rafræn sjúkraskrá er mikilvæg forsenda gæðaþróunar þar sem grundvöllur skapast til að meta gæði þjónustunnar. Einnig veitir hún góða yfirsýn yfir starfið og einstaklinginn sem nýtur þjónustunnar, sparar tíma og skapar samfellu í þjónustunni.

Markmið

Að skráning í heilsuvernd skólabarna sé réttmæt og áreiðanleg.

Verkþættir

• Heilsuvernd skólabarna skal skrá í Ískrá samkvæmt Notendahandbók um Ískrá.
• Yfirfara skal árlega endurgjöf um skráningu frá Þróunarmiðstöð íslenskrar heilsugæslu og/eða Embætti landlæknis og endurskoða verklag við skráningu ef þörf er á.

Gæði og eftirlit

• Skilgreindir gæðavísar í heilsuvernd skólabarna.
• Skilgreindir heilsufarsvísar.
• Skilgreindir starfsemisvísar.