Velferð barna

Markmið: Stuðla að því að öll börn búi við viðunandi aðstæður.

Verkþáttur: Finna þau börn sem búa við óviðunandi aðstæður og/eða ofbeldi, og stuðla að viðeigandi úrræðum og eftirfylgd

Hafa frumkvæði að góðu samstarfi við starfsfólk skólans og foreldra um velferð barna.
Vera foreldrum til ráðgjafar og stuðnings við umönnun og uppeldi barna sinna.
Vera vakandi fyrir líðan og aðbúnaði nemenda, til dæmis tíðum kvörtunum, breytingum á vaxtarlínuriti, tannheilsu, hreinlæti, klæðnaði og nesti.
Kynna sér verklagsreglur um tilkynningaskyldu heilbrigðisstarfsfólks til barnaverndar.
Hvetja þá sem verða varir við að aðbúnaði og/eða umönnun barna sé ábótavant til að sinna tilkynningarskyldu sinni.
Kynna sér lög og reglugerðir sem málið varðar.
Ef tilkynna þarf til barnaverndar -LEI-0128 | Tilkynning til barnaverndar | QM.
Vera í samstarfi við heimilislækni og heilsugæslu barnsins.

Markmið: Stuðla að öryggi og velferð barna í skólanum

Verkþættir:

A: Stuðla að öryggi barna í skólanum

Kynna sér reglur varðandi öryggismál í skólum, þar með talið slysavarnir, netöryggi, öryggi í sturtuklefum og öryggi á skólalóð
Hafa samvinnu við skólastjórnendur vegna öryggismála
Benda skólastjórnendum á slysagildrur í og við skóla. Gott að hafa slíkar tilkynningar skriflegar og varðveita afrit
Ráðleggja varðandi staðsetningu og innihald sjúkrakassa.
Kynna fyrir starfsfólki skólans hvar sjúkrakassar eru staðsettir
Hvetja til árlegrar úttektar á skóla og lóð með tilliti til öryggis
Hvetja til árlegrar brunaæfinga í skólanum

B: Stuðla að góðri vinnuaðstöðu og aðbúnaði nemenda

Huga að vinnuaðstæðum skólabarna, t.d. hæð borða og stóla, loftgæði og lýsingu
Huga að hljóðvist á þeim stöðum sem nemendur eru t.d. matsal
Senda athugasemdir til skólastjórnenda ef þörf er á úrbótum

C: Taka þátt í að búa skólann undir hugsanleg áföll

Kynna sér hvort skólinn hafi áfallaráð og/eða áfallaáætlun og kynna sér hana sé hún til
Taka þátt í starfi áfallaráðs og kynna sér hlutverk heilsuverndar skólabarna í því
Ef áfallaáætlun er ekki til þarf að stuðla að því að hún verði unnin
Hvetja til að áfallaráð fundi að minnsta kosti einu sinni yfir skólaárið

D: Leitast við að draga úr þeim skaða sem áföll valda

Hvetja til að áfallaáætlun skólans sé notuð
Leita eftir stuðningi frá Heilsugæslunni ef þurfa þykir við skyndilegt áfall í skóla
Kynna þeim sem orðið hafa fyrir áfalli hvert þeir geta leitað innan skólans ef þeim líður illa
Taka þátt í stuðningi og vinnu með einstaklinga og hópa sem verða fyrir áfalli
Vera vakandi fyrir langtímaeinkennum eftir áfall
Skrá áföll í heilsufarsskrá nemenda og stuðla að því að áfallaráð skrái áföll

E: Bregðast við á réttan hátt við slysum, veikindum og kvillum barna í skóla

Kynna sér hvort skólinn hefur viðbragðsáætlun verði alvarleg slys
Ef viðbragsáætlun er ekki til staðar þarf að stuðla að því að hún verði unnin
Hvetja til þess að starfsfólk skólans sæki skyndihjálparnámskeið annað hvert ár
Hvetja skólastjórnendur til markvissrar skráningar slysa í skólanum
Við alvarleg slys þarf að kalla til lögreglu. Sé kallað eftir sjúkrabíl kemur lögregla alltaf á staðinn
Kynna sér hvernig tryggingarmálum í sveitarfélaginu er háttað og vinna í samræmi við það
Veikist börn á skólatíma er rétt að hafa samband við foreldra þeirra sem sækja þau í skólann
Komi upp bráðaveikindi hjá nemanda er kallað á sjúkrabíl og síðan haft samband við foreldra.

Ítarefni:

Börn og áföll

Handbók um velferð og öryggi barna í grunnskólum

Slysaskráningarblað

Þegar foreldri deyr

Börn sem aðstandendur

Bjargráð á biðtíma

Um Sorgarmiðstöð – Stuðningur og ráðgjöf - Styður við syrgjendur og alla þá sem vinna að velferð þeirra

Okkar heimur - Styður við börn sem eiga foreldri með geðrænan vanda

Örninn - Minningar- og styrktarsjóður sem býður upp á helgardvöl og samveru við börn og unglinga sem hafa misst náinn ástvin

Ljónshjarta - Samtök til stuðnings fólki sem misst hefur maka og barna sem hafa misst foreldri

Fjölskyldur eru alls konar - Samvinna eftir skilnað - Barnanna vegna (SES) er nýstárlegt stafrænt og gagnreynt námsefni sem hjálpa foreldrum að takast á við breytingar og áskoranir í kjölfar skilnaðar eða sambúðarslita

Markmið: Stuðla að farsælli aðlögun barna sem hefja grunnskólagöngu, flytja á milli skóla eða koma erlendis frá.

Verkþættir:

A: Stuðla að farsælum flutningi barna á milli skóla

Kynna sér móttökuáætlun skólans fyrir nýja nemendur
Taka þátt í endurskoðun móttökuáætlunar og tryggja að hjúkrunarfræðingi í heilsuvernd skólabarna berist upplýsingar um nemendur sem koma eftir að skólaárið er hafið
Tryggja að nýnemum sé kynnt staðsetning heilsuverndar innan skólans
Hitta alla nýja nemendur og kynna sig fyrir þeim
Nýskrá nemendur í viðkomandi bekk í Ískrá og bæta úr skimunum og bólusetningum ef upp á vantar.

B: Vinna að farsælli aðlögun barna sem flytja til landsins

Börn sem flytja til landsins frá löndum utan evrópska efnahagssvæðisins, að undanskildum þeim sem tilgreind eru í verklagsreglum um læknisrannsókn, eiga að undirgangast heilbrigðisskoðun.
- Börn sem eru að sækja um alþjóðlega vernd (flóttafólk/hælisleitendur) fá heilbrigðisskoðun hjá Heilbrigðisskoðun innflytjenda í Domus Medica.
- Börn innflytjenda sem koma á öðrum forsendum fara á Göngudeild smitsjúkdóma barna á Barnaspítala Hringsins eða á heilsugæslu í sínu byggðalagi.
Athuga í Sögu hvort barn hafi farið í læknisrannsókn samkvæmt verklagsreglum sóttvarnarlæknis. Ef ekki finnast gögn um heilbrigðisskoðun má senda fyrirspurn í Domus Medica á netfangið hi@heilsugaeslan.is
Ef börn hafa ekki farið í slíka læknisrannsókn þarf að aðstoða forsjáraðila við að fá tíma í heilbrigðisskoðun.
- Domus Medica -Heilbrigðisskoðun innflytjenda
- Göngudeild smitsjúkdóma barna á Barnaspítala Hringsins
Athuga hvort upplýsingar um bólusetningar sé að finna í sjúkraskrá undir nafni eða kennitölu barns. Ef engar upplýsingar finnast þá óska eftir bólusetningar upplýsingum frá forsjáraðila.
- Skrá bólusetningar í bólusetningargrunn og skanna skírteini í Sögu
- Bjóða bólusetningar ef vantar. Bólusetningar og smitsjúkdómavarnir
Kynna forsjáraðila réttindi og skyldur til dæmis er varða þjónustu heilbrigðiskerfisins, félagsþjónustunnar og menntakerfisins eftir því sem þurfa þykir.
Vinna í samstarfi við starfsfólk skólans að málefnum barna sem flytjast erlendis frá
Nýta túlkaþjónustu eftir þörfum. (athuga með greiðslu, skoða túlkaþjónustu)

Ítarefni

Upplýsingablað fyrir 6 ára

Upplýsingablað fyrir nýja nemendur

Verklagsreglur um læknisrannsókn á fólki sem flyst til Íslands

Kynning fyrir foreldra á heilsuvernd grunnskólabarna

Kynning fyrir foreldra á heilsuvernd grunnskólabarna enska

Markmið: Að skólabörn fái hollan mat í skólanum og hafi gott aðgengi að drykkjarvatni.

Verkþættir:

Hvetja til þess að matur sem skólabörnum stendur til boða í skóla sé samkvæmt ráðleggingum Embættis landlæknis.
Hvetja foreldra til að senda börnin með hollt og gott nesti.
Hvetja skólastjórnendur til að hafa ákveðna stefnu í nestismálum
Hvetja til þess að vatnsbrunnar séu aðgengilegir í skólanum og gott aðgengi að vatnsglösum.

Tengt efni

Handbók fyrir skólamötuneyti