Tveggja og hálfs árs skoðun

Tveggja og hálfs árs skoðun

Markmið: 

Greina frávik í heilsu og þroska barns við 2½ árs aldur og veita foreldrum fræðslu og stuðning.

 

Fyrirkomulag:

Hjúkrunarfræðingur. Áætlaður tími í skoðun er 40 mínútur. 

 

Verkþættir:

    A. Upplýsingasöfnun, fræðsla og ráðgjöf

    B. Þroskamat

    C. Líkamsskoðun

    D. Skráning

 

Árangursviðmið:

  • >90% 2½ árs barna tannburstuð að lágmarki tvisvar á dag
  • PEDS lagt fyrir ≥90% foreldra 2½ árs barna
  • Brigance þroskaskimun lögð fyrir ≥90% 2½ árs barna

Hafa í huga

Er barnið í leikskóla?

Er barnið með skráðan heimilistannlækni í Sögu?

Hvetja foreldra sem ekki hafa skráðan heimilistannlækni til að ganga frá skráningu í Réttindagátt Sjúkratrygginga Íslands.

Fræðsla

Meta þarf út frá aðstæðum hverju sinni hvaða stuðning og fræðslu foreldrar þurfa á að halda.

Áhersla er lögð á:

  • Næringu
  • Lýsi
  • Þroska, hreyfingu og málörvun barns
  • Uppeldi, hegðun og aga
  • Fræðsluefnið „Líkaminn minn fyrir 0-6 ára“ Bókin er einn liður í forvörnum og fræðslu Barnaheilla um vernd barna gegn kynferðislegu ofbeldi. 
  • Svefn barns
  • Tannhirðu barns
  • Hreinlætisvenjur
  • Slysavarnir

Gert er mat á þroska og skimað fyrir þroskafrávikum með PEDS og Brigance þroskaskimun. 

  • Áður en foreldrar fá PEDS-matsblað foreldra í hendurnar skal greina þeim frá því að athugun á hegðun og þroska sé mikilvægur þáttur í veittri þjónustu á heilsugæslustöðvum. Spyrja þarf hvort foreldrar vilji fylla blaðið út sjálfir eða hvort þeir vilji að einhver fari með þeim í gegnum spurningarnar.
  • Fylgið leiðbeiningum á PEDS túlkunarblaði og notið notið klínískt mat við túlkun niðurstaðna. Hafið í huga fyrri áhyggjur og leitið eftir upplýsingum frá leikskóla ef ástæða er til.
  • Brigance þroskaskimun fyrir 2½ árs börn. Leggið Skemmri skimun fyrir barnið, skoðið útkomu og fylgið ráðleggingum. Ef frávik greinast er mikilvægt að bregðast við og/eða vísa í viðeigandi úrræði.

Mæla þyngd og lengd

Almenn skoðun – sjá leiðbeiningar um líkamsskoðun barna.

Tilvísun til tannlæknis ef tannskemmd er sýnileg eða mikil skán er á tönnum. Afhendið foreldrum tannbursta ef tennur barns eru illa hirtar. Fylgist með og leiðbeinið þegar foreldri burstar tennur barnsins. 

Til baka á forsíðu Ung- og smábarnaverndar