Verklag

• Yfirfara skal bólusetningar hjá börnum með ófullnægjandi bólusetningar.
  • Skrá samskipti um hvaða bólusetningu vantar í grunn eða vinna áfram með eldri samskipti.
  • Hafa samband við foreldra við fyrsta tækifæri og bjóða þá bólusetningu sem vantar.
  • Breyta bólusetningarstöðu í "Fullnægjandi" eftir að bólusetning hefur verið gefin og skráð.
  • Hafni foreldri bólusetningu skal skrá samskipti þess efnis, skrá höfnunina í grunn og merkja bólusetningastöðu í samræmi.
• Skrá rafrænt þær bólusetningar sem skráðar eru í skírteini barns sem ekki eru nú þegar rafrænt skráðar.
  • Barnabólusetningar (0-6 ára) skrást í Sögu
  • Skólabólusetningar skrást í Ískrá
• Ef börn hafa verið bólusett erlendis þarf að staðfesta það með bólusetningarskírteini. Sé því ekki framvísað skal litið svo á að viðkomandi sé óbólusettur.
• Börnum sem ekki hafa verið bólusett í samræmi við tilmæli landlæknis, skal bjóða bólusetningar samkvæmt því skipulagi.

Undirbúningur og vinnulag:

• Tilkynna foreldrum að bólusetning standi til, fá börnin í skólann með skírteinin.
• Hafa adrenalín eða epi-penna tiltækan við bólusetningar.
• Æskilegt er að tveir heilbrigðisstarfsmenn heilsugæslunnar séu til staðar við bólusetningar.
• Athuga þarf fyrningardagsetningu bóluefnis.
• Hafni foreldrar bólusetningu skal skrá samskipti þess efnis í sjúkraskrá barns, skrá höfnunina í grunn og merkja bólusetningastöðu í samræmi.
• Ef alvarlegar aukaverkanir koma upp þá er skylt að skrá þær hjá Lyfjastofnun.
•  Verklag frá smitsjúkdómalækni við bólusetningar barna 
  

Verklag:

• Veita fræðslu og ráðgjöf til nemenda, foreldra og starfsfólks skóla eftir því sem þörf krefur hverju sinni.
• Komi upp sníkjudýrasmit í skólanum er starfsfólk heilsuverndar skólabarna til ráðgjafar um meðferð, úrræði og veitir þá fræðslu sem við á hverju sinni.
• Skrá fjölda tilfella sníkjudýrasmita í Ískrá. Ískrá sér um að tilkynna til Embættis landlæknis fjölda tilfella af höfuðlús og njálg sem greind eru og skráð af starfsfólki heilsuverndar skólabarna.
• Fræða starfsfólk skóla um meðhöndlun líkamsvessa.
  

 

Lús: Vinnuferli sjá flipa 4. Ráðleggingar til foreldra
Njálgur: Vinnuferli sjá flipa 4.  Ráðleggingar til foreldra.
Kláðamaur: Vinnuferli sjá flipa 4.  Ráðleggingar til foreldra.

Danskt myndband

Lús - vinnuferli

TÖLVUPÓSTUR TIL FORELDRA Í UPPHAFI ÁRS

Er lúsin velkomin á þínu heimili? Nei, hélt ekki og hún er heldur ekki velkomin í skólanum. En
hún er klók og getur gert sig heimakomna í hvaða kolli sem er svo það er gott að vera á
varðbergi. Á Heilsuveru eru góðar leiðbeiningar fyrir þá sem vilja vera lausir við hana.

Verði vart við lús í skólum í vetur munum við láta foreldra vita svo þeir geti brugðist við.

• Foreldrar tilkynna að lús hafi fundist í nemanda
• Senda tilkynningu til foreldra barna sem eru í sama bekk/árgangi/stigi eftir atvikum.
• Senda afrit á þá kennara sem málið varðar, ritara skólans og forstöðumann gæslunnar (frístundar/dagvistar…) eftir atvikum.

Tillaga að texta:

Tilkynning til foreldra um lús
Tilkynning hefur borist um lús í X. Bekk/árgangi/stigi. Hér er að finna leiðbeiningar
um greiningu og meðferð lúsar Höfuðlús | Heilsuvera.

Lús finnst í barni á skólatíma
Staðfesti starfsmaður skóla lúsasmit í barni þarf skólinn að hafa verklag sem tekur á því máli.

• Staðfesti skólahjúkrunarfræðingur lúsasmit klárar hann að kemba barnið
• Lætur foreldra vita og vinnur svo samkvæmt verklagi eins og um lúsatilkynningu hafið
  verið að ræða.

Tillögur að herferð gegn lús í skólum:
Stundum koma upp einstaklega leiðinleg tímabil þar sem lúsin virðist óstöðvandi. Gott er
þá að eiga nokkur bjargráð í handraðanum til að beina til foreldra.

Samstarf innan skólasamfélagsins:
Að losna við lúsina er mál allra í skólanum. Virkjum samtakamáttinn og fáum alla að borðinu til að gera vinnuna skilvirkari.

• Foreldrafélag skólans: Hvað getur það gert? Útvegað kamba, fræðsluefni,
  skipulagt kembingardag.
• Ritarinn: Gæti hann tekið að sér að tilkynna um lúsina?
• Kennarar: Gætu þeir gefið nemendum tækifæri til að vinna til dæmis
  myndverk sem minna á lúsina og hengja mætti upp í skólanum.

 

NJÁLGUR - VINNUFERLI

 
Hvað á að gera ef tilkynnt er um að barn í skólanum hafi fengið njálg

• Óþarfi að senda tilkynningu um það til foreldra barna í bekknum þar sem njálgur í skóla er ekki bráðsmitandi.
• Ágætt að láta skólaliða vita svo þeir geti þvegið viðkomandi skólastofu sérstaklega vel auk salernis og hurðarhúna.

Ráðleggingar til foreldra ef njálgur hefur komist á heimilið

• Tvö lyf notuð við njálg, Vanquin (selt í lausasölu) og Vermox (lyfseðilsskylt).
• Meðhöndla þarf alla fjölskylduna.
• Handþvottur mjög mikilvægur, sérstaklega eftir salernisferðir og fyrir mat.
• Almennt hreinlæti, tíðari þvottur á salerni og krönum, hurðarhúnum og leikföngum.
• Klippa neglur vel því þá festast eggin síður undir þeim.
• Þvo föt og rúmföt við minnst 60°hita.
• Gott að strjúka yfir endaþarm að morgni með blautklútum eða svampi.
• Dagleg nærfataskipti.
• Gott að sofa í náttbuxum eða buxum sem liggja þétt að.
• Við kláða má fjarlægja njálg með eyrnapinna eða einhverju álíka.
  

Ráðleggingar til foreldra til að forðast njálg

• Almennt hreinlæti; handþvottur mjög mikilvægur.
• Forðast að vera með hendur upp í munni og setja leikföng og annað upp í munninn.
• Fylgjast með einkennum, s.s. kláða, svefntruflunum og lystarleysi.

Algengasta smitleið er frá fingrum upp í munn.

Helstu einkenni njálgs eru kláði við endaþarmsop, svefntruflanir, erting í leggöngum, lystarleysi og jafnvel eirðarleysi. Stundum eru engin einkenni.

Greiningin felst í því að finna orma og/eða egg við endaþarmsopið
Ormarnir sjást með berum augum við svæðið kringum opið og einnig í saur.
Ef vafi leikur á smiti má nota límband til að finna eggin við endaþarmsopið.
Eggin festast í límbandinu og það er síðan sent í rannsókn.

Fróðleikur um njálg á Heilsuvera.is

Ráðleggingar til foreldra

KLÁÐAMAUR - VINNUFERLI

Hvað á að gera ef tilkynnt er um að barn í skólanum hafi fengið kláðamaur

• Athuga við foreldri hvort barnið sé örugglega búið að fá meðferð.
• Óþarfi að senda tilkynningu um það til foreldra annarra barna í bekknum þar sem kláðamaur er ekki bráðsmitandi.

Ráðleggingar til foreldra ef kláðamaur hefur komist á heimilið
Meðferð:

• Hverfur ekki af sjálfu sér og þarfnast því alltaf meðferðar. Vísa til heimilislæknis.
• Tvö lyf notuð, Nix (fæst í lausasölu) og Tenutex (lyfseðilsskylt), fylgja leiðbeiningum vel.
• Venjulega ein lyfjameðferð árangursrík en þó má endurtaka meðferð eftir 7-10 daga ef þörf er á.
• Mikilvægt að bera mýkjandi krem á líkamann daginn eftir meðferð tvisvar á dag.
• Kláði getur varað í allt að 6 vikur eftir meðferð og því eru oft notuð kláðastillandi lyf samtímis.
• Mikilvægt að öll fjölskyldan fái samtímis meðferð þó einkenna sé ekki vart.

Ráðleggingar:

• Þvo föt, handklæði, sængurföt, greiður, bursta og annað sem kemst í snertingu við líkamann úr 50° heitu vatni (minnst 15 mín.).
• Þau efni sem ekki má þvo úr svo heitu vatni ætti að setja í lokaðan poka í 2 vikur.
• Gott að klippa neglur hjá börnum og láta þau sofa með hanska.
• Daginn eftir meðferð má barn fara aftur í skólann.
  

Ráðleggingar til foreldra til að forðast kláðamaur

•  Gott að minna börn á að fá ekki lánuð föt, trefla eða annað hjá öðrum
• Fylgjast með einkennum á þeim svæðum sem kláðamaurinn herjar á, það er:

• Milli fingra, greipar og handarbök
• Úlnliði og olnboga
• Undir höndunum
• Húðin umhverfis naflann
• Geirvörtur kvenna
• Kynfæri karla
• Innanverð læri og mitti

Helstu einkenni eru kláði (sérstaklega að nóttu til), mjóar rauðar rákir á húðinni, útbrot, og afrifur á húð vegna klórs.
Einkenni geta komið nokkrum vikum eftir fyrstu sýkingu, en eftir endurteknar sýkingar
kemur kláði eftir nokkra daga. Kláðinn getur haldið áfram í nokkra vikur eftir rétta
lyfjameðferð.

Helstu smitleiðir eru við nána snertingu milli manna 

Fróðleikur um kláðamaur á Kláðamaur | Heilsuvera

Ráðleggingar til foreldra