Meta þörf á þjónustu, stuðningi og gera áætlun þar um. Upplýsa um og bjóða túlkaþjónustu þegar við á. Áhersla í viðtalinu ætti að taka mið af þörfum og óskum konunnar og gefa ætti tækifæri til umræðna og spurninga.

          Upplýsingar og skoðun

• Mæla blóðþrýsting og athuga eggjahvítu í þvagi
• Mæla legbotnshæð og skrá á legvaxtarrit
• Ræða fósturhreyfingar og hvers má vænta næstu vikur og hvert skal leita ef ekki finnast hreyfingar
• Ræða breytingar á meðgöngu og hvers má vænta næstu vikur, t.d. samdrætti, eðli þeirra styrk og hvenær beri að leita ráða
• Ræða mikilvægi þess að huga vel að eigin heilsu (næring, hreyfing, svefn og hvíld)
• Ræða eftirfarandi þegar við á:
  • Þróun tengslamyndunar
  • Parsamband, væntingar, kynlíf, andlega líðan, aðlögun að foreldrahlutverkinu
  • Brjóstagjöf, óskir, væntingar og undirbúning
  • Val á fæðingarstað
  • Skipulögð fræðsla og námskeið sem eru í boði um undirbúning fæðingar, brjóstagjöf, slysavarnir o.fl.
  Skimanir
• Undirbúa skimun fyrir rauðkornamótefnum hjá Rhesus D neikvæðum konum og greiningu á Rhesus D flokki fósturs/fóstra 
• Undirbúa skimun fyrir GDM hjá konum sem eru 35 ára-39 ára og ekki þurft skimun fyrir GDM fyrr á meðgöngunni, hafi það ekki þegar verið gert
• Undirbúa seinni hluta skimunar fyrir GDM ef það á við
• Fara yfir skimun fyrir blóðleysi og/eða járnskorti hjá konum sem ganga með tvíbura, ef það á við
• Fara yfir og ræða niðurstöður úr 19-20 vikna fósturskimun hafi það ekki þegar verið gert
  Ómskoðun - vaxtarmat
• Undirbúa þær konur sem ganga með tvíbura DC/DA fyrir vaxtarmat með ómskoðun til viðbótar við mælingu á legbotnshæð
  Fræðsla
• Meta fræðsluþarfir og benda á viðeigandi fræðsluefni
  • Meðgöngukvillar, t.d. óþægindi í baki, grind og nára, fótapirringur/krampar, svefntruflanir og skapsveiflur. Benda á viðeigandi bjargráð
  Áætlun
• Endurmeta áætlun í meðgönguvernd

        _______________________________