• Fylgja skal markmiðum skipulagðrar fræðslu um tannvernd
• Í viðtali um heilsu og líðan í 1., 4., 7. og 9. bekk skal ræða um tannheilsu, greina tækifæri til að bæta hana og/eða styrkja góðar tannheilsuvenjur auk þjálfunar í tannburstun og hreinsun milli tanna með tannþræði

• Í einstaklingsviðtölum í 4., 7. og 9. bekk skal ræða um áhrif gos- og orkudrykkja 
• Hvetja skal börn til að velja vatn umfram aðra drykki

Forsenda gjaldfrjálsra tannlækninga er að börn hafi skráðan heimilistannlækni hjá Sjúkratryggingum Íslands (SÍ). Upplýsingar frá SÍ um skráðan heimilistannlækni birtast uppfærðar í Ískrá.

• Fara yfir listann „Án heimilistannlæknis“ í Ískrá í upphafi skólaárs og senda forráðamönnum þeirra barna sem á listanum eru tölvupóst (staðlaður póstur) með hvatningu um að skrá barn sitt hjá tannlækni og panta tíma. Einnig skal forráðamönnum greint frá því að börn án heimilistannlækni í 1., 4., 7., og 9. bekk fái tannskoðun skólahjúkrunarfræðings þegar reglubundnar skimanir fara fram í þeim árgöngum.
• Ávallt skal stofna samskipti með viðfangsefninu „Án heimilistannlæknis" sem birtast forskráð ef tvísmellt er á „óskráð samskipti" í listanum.
• Ef barn er með óskráðan tannlækni þegar skimun fer fram í viðkomandi árgangi skal skoða tennur þess og skrá undir „Líkamsmat“ í Ískrá. Hafa skal samband við forráðamann símleiðis og gera grein fyrir því ef merki eru um skemmdar tennur eða slæma tannhirðu. Hvetja skal forráðamenn til að panta tíma hjá tannlækni og jafnvel aðstoða þá við að panta tíma hjá tannlækni í sínu nærumhverfi.
• Ef vart verður við að tannheilsu er ábótavant hjá barni öðrum árgangi en þeim sem skimaðir eru skal hvetja forráðamenn til að panta tíma hjá tannlækni.
• Ef barni sem vísað hefur verið til tannlæknis er ekki sinnt skal haft samband við forráðamenn og leita viðeigandi leiða til að barnið fái tannlæknaþjónustu, svo sem með aðstoð félagsþjónustu og/eða barnaverndar.
• Skrá skal áætlun/aðgerðir í framvindu fyrri samskipta.