1. Venjuleg einkenni veirusýkingar í öndunarvegi eru t.a.m. nefrennsli, hósti, hæsi eða blöðrur í munni eða hálsi. Ekki þörf á sýni fyrir streptókokkapróf.
2.   Mjög óvanalegt er að grúppu A hemolýtískir streptókokkar valdi sýkingu í hálsi hjá börnum yngri en 3 ára og því ætti almennt að huga að annarri sjúkdómsgreiningu.
3. Taka þarf afstöðu til þess hvort kostir sýklalyfjameðferðar vegi þyngra en ókostirnir fyrir sjúklinginn áður en tekin er afstaða til greiningar á ástæðu, t.d. með streptókokka-hraðprófi.
4. Notið Centor-lykileinkenni til að meta þörfina á streptókokkaprófi hjá einstaklingum ≥ 3 ára
   • Hiti ≥ 38,5°C
   • Aumir/bólgnir eitlar á hálsi (neðan við angulus mandibula)
   • Skán á kverkeitlum*
   • Enginn hósti
   • Hjá börnum 3–6 ára dugir sem skilyrði að kverkeitlar séu bólgnir (roði og bólga)
5. Ef minnst 3 Centor-lykileinkenni eru til staðar er ástæða til að gera streptókokka-hraðpróf. Séu Centor-lykileinkenni færri en 3 er ekki neitt gagn af sýklalyfjum jafnvel þótt sýna megi fram á streptókokka.
6. Ef minnst 3 Centor-lykileinkenni eru til staðar og streptókokka-hraðpróf er jákvætt er mælt með sýklalyfjum. Sé streptókokkapróf neikvætt er mælt með einkennameðferð eftir þörfum. Hugleiðið greiningu fyrir einkyrningssótt.
7. Ekki er hægt að greina með CRP á milli kok- og eitlabólgu af völdum veira eða baktería.
8. Upplýsið sjúklinginn um eðlilega framvindu kok- og eitlabólgu, óháð ávísun á sýklalyf. Endurkoma ef versnar eða batnar ekki innan 3 daga. 

Fullorðnir: Fenoxýmetýlpenicillín 1 g x 3 í 10 daga.
Börn: Fenoxýmetýlpenicillín 12,5 mg/kg x 3 í 10 daga.

Við ofnæmi eða endursýkingu (innan 4 vikna) er mælt með að gefa klindamýcín, einkum ef hætta er á týpu-1- ofnæmi. Fullorðnir fá 300 mg x 3 í 10 daga, börn 5 mg/kg x 3 í 10 daga.

Til vara við endursýkingu: cefalosporín (cefalexín). Fullorðnir fá 500 mg x 2 í 10 daga, börn 15 mg/kg x 2 í 10 daga.

Komi meðferðin ekki að gagni skal endurmeta ástæður sýkingarinnar.