Áður en byrjað er á lyfjameðferð skal tryggja að allir fái næga næringu. Næg inntaka af kalki og D-vítamíni er mikilvæg. Einnig er hreyfing mikilvæg og rannsóknir sýna að hreyfing helmingar líkur á beinþynningarbrotum hjá öldruðum.

Hverja á að meðhöndla með lyfjum: 

Rétt er að meðhöndla þá sem hafa T gildi lægri en -2.5 í hrygg eða mjöðm og einnig þá sem hafa meiri en 20 prósent líkur á einhverju beinþynningarbroti eða meira en 3 prósent líkur á mjaðmabroti á næstu 10 árum af völdum beinþynningar.

Ef um mikla beinþynningu er að ræða (T gildi minna en -3.5) er ráðlagt að leita álits innkirtlasérfræðings eða annars sem hefur sérhæft sig í meðferð beinþynningar áður en meðferð er hafin.

Almennt má segja þeir sem hafa mestar líkur á beinþynningarbroti séu líklegastir til að hafa gagn af lyfjameðferð.

Bísfosfonöt

Bisfosfonöt eru venjulega fyrsta val við meðferð á beinþynningu.

Alendronat og Ibandronic acid eru til í töfluformi og eru notuð hjá þeim sem það þola. Einnig má gefa bifosfónöt í æð.

Ibandronic acid og zoledronic acid eru á markaði hér á landi til notkunar í æð. Endurskoða skal meðferð með bifosfónötum  eftir 5 ár. 

Fresta skal notkun bisfosfónata  við fyrirhugaðar tannaðgerðir. Vélindasjúkdómar geta hindrað töku bisfosfónata um munn vegna aukaverkana frá meltingarvegi  og nýrnabilun er  frábending. 

Denosumad

SERM (Selective Estrogen Receptor Modulators)

Til dæmis tamoxifen og raloxifene. Lítið sem ekkert notað við beinþynningu innan heilsugæslunnar.

Lyfin minnka líkur á beinbrotum og brjóstakrabbameini og geta verið ákjósanleg hjá konum eftir tíðahvörf með miklar líkur á brjóstakrabbameini og beinþynningu.

Þau auka hins vegar líkur á thrombosu og geta valdið hitakófum.

Í samantekt má segja að brot sem afleiðingar beinþynningar séu algeng hér á landi. 

Mælt er með því að byrja bæði á lífsstílsmeðferð með næringu og hreyfingu ásamt lyfjameðferð ef viðkomandi greinist með beinþynningu eða beingisnun og miklar líkur séu á að hann fái beinþynningarbrot á næstu 10 árum. 

Lang oftast er hægt að byrja meðferð gegnum heilsugæsluna og bisfosfónöt er fyrsta meðferð ef frábending fyrir notkun er ekki til staðar. 

Bisphosphonates for treating osteoporisis (nice.org.uk)

Osteoporos - Kloka listan