Sykursýkismóttaka

Móttakan er ætluð:

Einstaklingum með sykursýki 2
Einstaklingum með hækkaðan fastandi blóðsykur eða HbA1c
Konum sem hafa fengið sykursýki á meðgöngu (ráðlagt eftirlit 3-5 ár eftir fæðingu)

Markmið

Skjólstæðingar móttökunnar séu vel upplýstir og virkir þáttakendur í sinni meðferð og geti tekið upplýstar ákvarðanir um meðferð á eigin sjúkdómi í samráði við aðra meðferðaraðila.
Auka lífsgæði þessarra skjólstæðinga bæði til skemmri (einkenni hás blóðsykurs) og lengri tíma (fylgikvilla), með jákvæðum áhrifum á blóðsykur og aðra áhættuþætti svo sem háþrýsting, háar blóðfitur og reykingar.

Fyrirkomulag

Teymisvinna læknis, hjúkrunarfræðings og hreyfistjóra – aðkoma annarra fagaðila eftir því sem þurfa þykir
Hjúkrunarfræðingur heldur utan um sjúklingahóp og boðar í eftirlit samkvæmt skema
Nota skal sniðmát um sykursýkismóttöku og samskiptaseðil sykursýki í sögu
Teymisfundir hjúkrunarfræðings, hreyfistjóra (þegar við á), læknis og eftir þörfum innkirtlalækna og næringarfræðinga. Skipulag teymisfunda eftir þörfum hverrar starfstöðvar.
Stuðst er við klínískar leiðbeiningar ADA og EASD varðandi sykurstjórnun og NICE varðandi meðhöndlun á háþrýsting og blóðfitur.

Um verkefnið

Vinnuhópur á vegum Þróunarsviðs heilsugæslunnar vann þessar leiðbeiningar árið 2016 og eru þær hugsaðar sem hagnýt aðstoð við að sinna skjólstæðingum með áunna sykursýki á sem bestan hátt hverju sinni.

Leiðbeiningarnar voru uppfærðar haustið 2019 og ákveðið að styðjast við Klínískar leiðbeiningar ADA og EASD varðandi blóðsykurstjórnun og NICE varðandi meðhöndlun háþrýsting og blóðfitur

Vinnuhópurinn 2016

Þróunarsvið heilsugæslu höfuðborgarsvæðisins:
Anna Sigríður Sigmundsdóttir, hjúkrunarfræðingur, Hvammi
Ása Sjöfn Lórensdóttir, hjúkrunarfræðingur, Garðabæ
Einar Þórarinsson, heimilislæknir, Seltjarnarnesi
Emil Sigurðsson, yfirlæknir þróunarsviðs og prófessor í heimilislækningum
Hörður Björnsson, heimilislæknir, Hvammi
Ragnheiður Ósk Erlendsdóttir, sviðstjóri þróunarsviði heilsugæslunnar
Unnur Þóra Högnadóttir, heimilislæknir, Sólvangi
Þórunn Anna Karlsdóttir, heimilislæknir, Efra-Breiðholti

Vinnuhópur við endurskoðun leiðbeininga 2019

Ása Sjöfn Lórensdóttir, hjúkrunarfræðingur, fagstjóri heilsuverndar skólabarna, ÞÍH
Hörður Björnsson, svæðisstjóri og fagstjóri lækninga, Miðbæ
Unnur Þóra Högnadóttir, heimilislæknir, Sólvangi
Auður Ólafsdóttir, sjúkraþjálfari ÞÍH
Anna Sigríður Sigmundsdóttir, hjúkrunarfræðingur, Hvammi
Hafdís Lilja Guðlaugsdóttir, hjúkrunarfræðingur, Heilbrigðisstofnun Suðurnesja
Rut Gunnarsdóttir, svæðisstjóri og fagstjóri hjúkrunar, Hvammi
Óla Kallý Magnúsdóttir, næringarfræðingur PhD, Landspítali Háskólasjúkrahús