• Íhugið sýklalyfjameðferð séu merki um sýkingu, t.a.m. roði stærri en 2 cm kringum bitið, mikill verkur eða vessandi ígerð. Vísið á sjúkrahús sé sjúklingur með hita eða önnur almenn einkenni eða ef teikn eru um dýpri sýkingu, svo sem erfiðleikar við að hreyfa liði.

 

• Sýking í kattarbiti af völdum Pasteurella multocida kemur yfirleitt fram sem roði og sársauki strax 2 – 4 tímum eftir bit, og skal meðhöndla með fenoxýmetýlpensilíni. Flúkloxacillín, klindamýcín og cefalosporín til inntöku verka ekki á P. multocida.

 

• Við síðkomin einkenni eftir kattarbit (>2 sólarhr.) og við öll hundsbit fjölgar Staph. aureus tilfellum. Við þessum sýkingum er gefið amoxicillín-klavúlan.

Tegund bits	Sýklalyf	Fullorðinsskammtar	Barnaskammtar
Kattarbit	Fyrsta val: Fenoxýmetýlpensilín	1 g x 3 í 10 daga	25 mg/kg x 3 í 10 daga
Kattarbit	Síðkomin einkenni (>2 sólarhr.): amoxicillín-klavúlansýra	500 mg x 3 í 10 daga	20 mg/kg x 3 í 10 daga
Hundsbit	Amoxicillín-klavúlansýra	500 mg x 3 í 10 daga	20 mg/kg x 3 í 10 daga

 

Flökkuroði er algengasta birtingarmynd borrelia-smits. Til greiningar þarf roðinn að vera >5 cm í þvermál. Roðinn getur litið út á ýmsa vegu og getur m.a. verið „sígilt hringlaga“, einsleitur roðablettur eða síður dæmigerður í útliti.

Oftast er greining gerð 14 dögum eftir bit skógarmítils. Fyrr í ferlinu getur verið erfitt að greina erythema migrans frá viðbrögðum við mítilsbitinu.

Greining flökkuroða án fylgikvilla er klínísk. Semipróf gagnast ekkert við greininguna.

Sýklalyfjameðferð fullorðinna	Sýklalyfjameðferð barna
Fyrsta val: Fenoxýmetýlpensilín 1 g x 3 í 10 daga	Fyrsta val: Fenoxýmetýlpensilín 25 mg/kg x 3 í 10 daga
Ef pensilínofnæmi: þá doxýcýklín 100 mg x 2 í 10 daga (Ekki gefið á síðustu 2 þriðjungum meðgöngu)	Ef pensilínofnæmi: þá azitromýcin 10 mg/kg x 1 fyrsta daginn og svo 5 mg/kg x 1 næstu 4 daga