Meta þörf á þjónustu, stuðningi og gera áætlun þar um. Upplýsa um og bjóða túlkaþjónustu þegar við á. Áhersla í viðtalinu ætti að taka mið af þörfum og óskum konunnar og gefa ætti tækifæri til umræðna og spurninga.

• Mæla blóðþrýsting og athuga eggjahvítu í þvagi
• Mæla legbotnshæð og skrá á legvaxtarrit
• Athuga fósturstöðu
• Ræða fósturhreyfingar og hvers má vænta og hvert skal leita ef ekki finnast hreyfingar
• Ræða um lengda meðgöngu og bjóða framköllun fæðingar og viðeigandi upplýsingar
• Bjóða belgjalosun ef ákvörðun um framköllun fæðingar liggur fyrir
• Kynna möguleika á samtali eftir fæðingu hafi það ekki þegar verið gert
• Kynna eftirfylgd með konum sem greinst hafa með heilsuvanda á meðgöngu hafi það ekki þegar verið gert
• Gefa tækifæri til umræðna og spurninga. Veita upplýsingar og benda á viðeigandi fræðsluefni
• Ræða mikilvægi þess að huga vel að eigin heilsu