Heildarjárnþörf má reikna út frá Ganzoni jöfnu: 

 Heildarjárngjöf (mg) = líkamsþyngd (kg) x (markgildi blóðrauða - raunverulegur blóðrauði) (g/dl) x 2,4 + forðajárn (mg)

 Blóðrauði (hemóglóbín) eru yfirleitt gefinn upp í einingunni g/líter og til að fá g/dl er deilt í með 10.

 Líkamsþyngd < 35 kg: Markgildi blóðrauða = 13 g/dl og forðajárn = 15 mg/kg líkamsþyngdar

 Líkamsþyngd ≥ 35 kg: Markgildi blóðrauða = 15 g/dl og forðajárn = 500 mg

 Venofer má einungis gefa í bláæð. Það má gefa með innrennsli, hægri inndælingu.

 Gefa má allt að 200 mg í einum skammti allt að þrisvar í viku. Skammtar eru endurteknir þar til járnþörf er mætt.

 Innrennsli: Blandað í 100 ml 0,9% NaCl og gefið í bláæð á 30 mínútum. Nauðsynlegt er að vera viðbúinn ofnæmisviðbrögðum.  

Monofer má einungis gefa í bláæð.

500 mg stakir skammtar:

Monofer má gefa allt að 500 mg sem stakan skammt í bláæð, allt að þrisvar í viku þar til járnþörf er mætt. Ekki má gefa lyfið hraðar en 250 mg/mínútu. Gefa má lyfið óþynnt eða þynna með allt að 20 ml 0,9% NaCl.

Skammtar hærri en 500 mg:

Hærri skammta skal blanda í 100-250 ml af 0,9% NaCl og gefa á 30 mín eða lengur í bláæð.

Hámarksskammtur í stakri gjöf er 20 mg/kg. Sé járnþörf meiri en 20 mg/kg verður að skipta skammtinum í tvennt og gefa með að minnsta kosti viku millibili. Nauðsynlegt er að vera viðbúinn ofnæmisviðbrögðum. 

 Skammta undir 80 mg má gefa með beinni innspýtingu í bláæð á 3-5 mín.

Skammta 80 mg og hærri verður að gefa í innrennsli, blandað í 50-100 ml 0,9% NaCl og gefið mest 4 mg/mín. Of hröð gjöf getur valdið skaða á heyrnartaug. 

1 lykja með 100 mg af testósteróni gefist í inndælingu djúpt í rassvöðva (gluteus maximus) á 10-14 vikna fresti. Inndæling í vöðva á að vera mjög hæg á meiri en 2 mínútum. 

Mæla skal testósteróngildi í sermi fyrir og í byrjun meðferðar. Ef testósteróngildi í sermi og klínísk einkenni gefa tilefni til má stytta tímabilið á milli fyrstu og annarrar inndælingar, en þó ekki meira en svo að það nemi 6 vikum að lágmarki samanborið við ráðlagðar 10-14 vikur fyrir viðhaldsmeðferð.

Viðhaldsmeðferð og aðlögun meðferðar að hverjum einstaklingi: Tímabil milli inndælinga á að vera 10-14 vikur. Fylgjast skal með testósteróni í sermi á meðan viðhaldsmeðferð stendur yfir. Gera skal mælingar í lok tímabilsins milli inndælinga og meta klínísk einkenni. Gildin skulu vera innan lægsta þriðjungs eðlilegra gilda. 

 Toradol

(Ketorolac)

Lyfið er aðeins til notkunar undir húð. Hvorki má gefa Xolair í bláæð né í vöðva.

Skömmtum sem eru stærri en 150 mg skal skipta á tvo eða fleiri stungustaði.

Það tekur frostþurrkaða lyfið um 15-20 mínútur að leysast upp, en í sumum tilvikum getur það þó tekið lengri tíma. Fullbúið lyf er tært eða lítið eitt ópallýsandi, litlaust eða föl gulbrúnleitt og vera má að í því séu litlar loftbólur eða froða við vegg hettuglassins. Vegna seigju fullbúins lyfs verður að gæta þess vandlega að draga allt lyfið upp úr hettuglasinu áður en lofti eða umframlausn er dælt úr sprautunni, til að ná tilskildum 0,6 ml. 

Erenumab er til notkunar undir húð.

Ráðlagður skammtur er 70 mg af erenumabi á 4 vikna fresti, en sumir gætu þurft 140 mg á 4 vikna fresti.

Inndælinguna má gefa í kvið, læri eða í utanverðan upphandlegg. Velja á mismunandi stungustaði við hverja inndælingu. og ekki á að gefa inndælingu þar sem húðin er viðkvæm, marin, rauð eða hörð. Ítarlegar leiðbeiningar í fylgiseðli.  

Etanercept er leyst upp í 1 ml af vatni fyrir stungulyf fyrir notkun og gefið sem inndæling undir húð.

Etanercept inniheldur engin rotvarnarefni og þess vegna skal gefa lyfið eins fljótt og hægt er, eða innan 6 klst frá upplausn. Lausnin á að vera tær og litlaus til ljósgul eða ljósbrún, laus við kekki, flögur og korn. Það er eðlilegt að eitthvað sitji eftir af hvítri froðu í hettuglasinu. Duftið í glasinu á að ná að leysast upp innan 10 mínútna.

Hvert glas er leyst upp með 10 ml af sæfðu vatni. Glasinu er velt varlega þar til lyfið er uppleyst, ekki má hrista glasið. Látið lausnina standa í 5 mínútur eftir blöndun. Lausnin á að vera litlaus eða ljósgul og ópallýsandi. Lausnin er síðan þynnt með 250 ml 0,9% NaCl og gefin í bláæð á 2 klst. Lyfið geymist í 3 klst. í kæli eftir blöndun. 

Fylgjast skal með öllum sjúklingum sem fá infliximab í að minnsta kosti 1-2 klukkustundir eftir innrennslisgjöfina, vegna hættu á bráðum innrennslistengdum viðbrögðum. Veita má sjúklingum lyfjaforgjöf með andhistamíni, hýdrókortisóni og/eða parasetamóli og hægja má á innrennslishraðanum til að draga úr hættu á innrennslistengdum viðbrögðum, einkum ef innrennslistengd viðbrögð hafa komið fyrir áður. 

Fyrsta innrennsli: Ráðlagður upphafshraði innrennslis er 50 mg/klst.; eftir fyrstu 30 mínúturnar má auka hraðann um 50 mg/klst. á 30 mínútna fresti í að hámarki 400 mg/klst.

Síðara innrennsli: Síðari skammta af rituximab má gefa sem innrennsli með upphafshraða 100 mg/klst. og auka um 100 mg/klst á 30 mínútna fresti í hámark 400 mg/klst.

Inndæling undir húð: Eingöngu á að gefa rituximbab 1.400 mg stungulyf með inndælingu undir húð á um það bil 5 mínútum. Ekki á að festa nálina við sprautuna fyrr en rétt áður en lyfið er gefið, til að koma í veg fyrir að hún stíflist. Dæla á rituximab stungulyfi undir húð á kviðvegg, en þó má ekki dæla lyfinu inn á svæðum þar sem húðin er rauð, marin, aum viðkomu eða hörð, eða í fæðingarbletti eða ör. Engin gögn liggja fyrir um inndælingu á öðrum svæðum líkamans og á því að einskorða inndælingar við kviðvegg. 

Zoledronic sýra 4 mg/5 ml innrennslisþykkni, er þynnt fyrir notkun með 100 ml 0,9% NaCl og gefið með innrennsli í bláæð á að minnsta kosti 15 mínútum.

Pamidronate innrennslisþykkni er þynnt fyrir notkun með 0,9% NaCl og gefið með hægu innrennsli.

Innrennslishraði skal aldrei vera meiri en 60 mg/klst (1 mg/mín), og styrkur pamidronate í innrennslislausninni skal ekki vera meiri en 90 mg/250 ml. Hjá sjúklingum með skerta nýrnastarfsemi er mælt með að innrennslishraði sé ekki meiri en 22 mg/klst.

Gefa skal lyfið í stóra bláæð. Stakan 90 mg skammt ber venjulega að gefa sem 2 klst. innrennsli í 250 ml af innrennslislausn.

Hjá sjúklingum með mergæxli og hjá sjúklingum með kalsíumhækkun í blóði af völdum illkynja æxla er hins vegar mælt með að ekki séu gefin meira en 90 mg í 500 ml á 4 klst.