Mataræði er vel þekktur áhrifaþáttur heilsu og lífsgæða. Almennar ráðleggingar um mataræði eru settar fram í forvarnarskyni og með því að fylgja þeim er hægt að hámarka líkurnar á að líkaminn fái þau næringarefni sem hann þarf á að halda auk þess sem draga má úr líkum á ýmsum langvinnum sjúkdómum/heilsubresti með góðu mataræði.
Rannsóknir benda enn fremur til þess að unnt sé að beita mismunandi aðferðum í næringarmeðferð við ýmsum langvinnum sjúkdómum svo sem offitu, sykursýki af tegund 2 og fleira.
Í klínískum leiðbeiningum fyrir næringarmeðferð langvinnra sjúkdóma er lögð áhersla á einstaklingsmiðaða nálgun, gæði matvæla og heilbrigt samband við mat, má þar nefna núvitund, seddu- og svengdarstjórnun, leiðum til að draga úr neyslu sem stjórnast af tilfinningum sem og að efla skjólstæðinginní að vera sáttur við sjálfan sig og líkama sinn.
Spurningar til að kanna áhugahvöt og trúna á eigin getu
- Hvernig gengur þér að borða hollan mat?
- Hversu mikilvægt finnst þér að borða hollan mat á skalanum 1-10?
- Hversu vel treystirðu þér að borða hollan mat (trúin á eigin getu) á skalanum 1-10?
- Hvað þarf til svo þú til að borðir hollan(-ari) mat?
Úrræði/verkfæri
- Almennar ráðleggingar um mataræði; matstæki, fræðsluefni og stutt námskeið/fyrirlestrar, hugsað sem stuðningur við skjólstæðinga samfara breytingu á hegðun/matarvenjum (væntanlegt seinnihluta árs '24)
- Vannæring; rafrænt mat og endurgjöf - matstækið „Mat á áhættu á vannæringu“ er inni í Sögu undir mælingar.
- Fræðsluefni:
- grænt - Fræðsluefni fyrir aldraða við góða heilsu um mataræði
- gult - Fræðsluefni fyrir aldraða um orku- og próteinbætingu fyrir fólk sem er í hættu á vannæringu
- rautt - Fræðsluefni um viðbótarefni (næringardrykkir fyrir aldraða)
Ítarefni fyrir heilbrigðisstarfsfólk
Almennar ráðleggingar
Aldraðir
Langvinnur heilsuvandi
Fræðsluefni fyrir skjólstæðinga
Ráðleggingar um mataræði - Fólk 60+
Innkaupalisti