Ofþyngd og offita barna 

 

Fyrirbyggjandi: 

• Almenn fræðsla varðandi næringu, hreyfingu, svefn og skjátíma. Sjá Leiðbeiningar fyrir heilsugæslu um offitu hjá börnum og unglingum
• Vera sérstaklega vakandi fyrir börnum sem eru í áhættu fyrir ofþyngd / offitu s.s. vegna erfða, félagslegrar stöðu eða frávika í þroska og veita viðeigandi ráðgjöf eftir þörfum. 

 

Vaxandi þyngdaraukning:

• Meta vaxtarlínurit og BMI kúrfu og ræða og útskýra fyrir foreldrum ef frávik á vaxtarlínuriti. 
• Afla upplýsinga til að leita skýringa á þyngdaraukningu.
• Ráðleggingar varðandi næringu, hreyfingu, svefn og skjátíma.  Sjá Leiðbeiningar fyrir heilsugæslu um offitu hjá börnum og unglingum
• Auka skoðun og eftirfylgd eftir þörfum í samráði við foreldra.

ATH!  Ef vaxandi þyngdaraukning samtímis því að hægi á lengdarvexti er ástæða til að fá álit sérfræðings í innkirtlasjúkdómum barna.

 

Ofþyngd:

• Meta vaxtarlínurit og BMI kúrfu og ræða og útskýra fyrir foreldrum.  
• Afla upplýsinga til að leita skýringa á ofþyngd barns.
• Bjóða upp á nánara viðtal hjá hjúkrunarfræðingi byggt á áhugahvetjandi samtali.
• Meta hvort þörf sé á aðkomu fleiri fagaðila.  
• Veita ráðgjöf varðandi næringu, hreyfingu, svefn og skjátíma. Fyrir börn eldri en 2 ára mætti nota „Barnið og fjölskyldan - matarvenjur og hreyfing“ og markmiðaspjöld.  Sjá Leiðbeiningar fyrir heilsugæslu um offitu hjá börnum og unglingum
• Skoðun og eftirfylgd eftir þörfum í samráði við foreldra.  

 

Offita:

• Meta vaxtarlínurit og BMI kúrfu og ræða og útskýra fyrir foreldrum. 
• Afla upplýsinga til að leita skýringa á offitu barns og veita viðeigandi ráðgjöf, sbr. ráðleggingar varðandi ofþyngd barna. Sjá Leiðbeiningar fyrir heilsugæslu um offitu hjá börnum og unglingum
• Þverfagleg samvinna hjúkrunarfræðings, læknis, næringarfræðings og sálfræðings í heilsugæslu eftir þörfum. Meta þörf á frekari rannsóknum, s.s. blóðrannsóknum. 
• Skoðun og eftirfylgd eftir þörfum í samráði við foreldra.
• Ef viðeigandi úrræði duga ekki til eða um alvarlega offitu er að ræða (meira en >2,5 SD fyrir ofan meðalkúrfu í BMI eða mikil þyngdaraukning á stuttum tíma), skal vísa barni í Heilsuskóla Barnaspítala Hringsins. 
• Tilvísun í Heilsuskólann er gerð í gegnum Heilsugátt. Alltaf þarf að setja ábyrgan lækni í tilvísun.
• Tilvísun í frekari meðferð - Leiðbeiningar.