Hlustunar- og vöktunarbúnaður

Til eru 3 flokkar af hlustunarbúnaði sem notaður er til að fylgjast með börnum úr fjarlægð. Búnaðurinn hefur mismunandi tæknilegar útfærslur til að fylgjast með barninu. Hér er ekki átt við búnað sem mælir öndun, hita og hjartslátt eða önnur lífsmörk en slíkur búnaður hefur færst í vöxt á liðnum árum.

Bandaríska barnalæknafélagið (AAP) hefur gefið út yfirlýsingu þess efnis að það telji ekki nauðsyn á því að foreldrar noti þennan búnað til að tryggja öryggi í svefnumhverfi barnsins þar sem hann gegnir því hlutverki að láta foreldra vita ef eitthvað er að. Þegar það gerist er það oftast of seint. Þeir ítreka að besta leiðin til að tryggja öryggi ungbarna sé að gæta þess að öllum ráðleggingum um öryggi í svefnumhverfinu sé fylgt. Það sé besta vörnin.

Hér má finna frekari upplýsingar frá AAP.

Barnapían - hlustunartæki (e. audio monitor)

Barnapían er hlustunarbúnaður sem gerir foreldri kleift að hlusta eftir gráti eða hreyfingum barns. Mikilvægt er að fylgja ávallt leiðbeiningum framleiðanda við notkun hans. Þessi tegund af búnaði sem framleiddur er til að hlusta eftir barninu gefur frá sér bylgjur sem geta haft áhrif á heilsu barnsins ef hann er ekki notaður rétt. Tækið þarf alltaf að vera staðsett 1,5 – 2 metrum frá barninu. Ef tækið er ekki með batteríi, heldur stungið í samband þá er mikilvægt að tryggja að snúran liggi ekki við barnarúmið/vögguna heldur langt frá þannig að engin hætta sé á að barnið geti nálgast hana.

Búnaðinn má aldrei staðsetja inni í barnavagninn, í ungbarnarúmið eða vögguna.

Athugið að ekki má nota allan búnað utandyra samkvæmt leiðbeiningum framleiðanda.

Barnapían með myndavél

Mikilvægt er að fylgja leiðbeiningum framleiðandans um staðsetningu og notkun. Gæta skal sérstaklega að snúrum og staðsetningu til að tryggja að barnið verði ekki fyrir bylgjum frá tækinu.

Þráðlaus barnapía (e. wifi monitor)

Mikilvægt er að fylgja leiðbeiningum framleiðandans um staðsetningu og notkun. Þessi búnaður hefur ekki skaðleg áhrif á heilsu barnsins ef hann er notaður rétt samkvæmt en samkvæmt rannsóknum þá geta bylgjur verið skaðlegar fyrir börn í vissu magni.

Nánari upplýsingar má finna hér.