Einstaklingsmiðuð áætlun

Einstaklingsmiðuð áætlun felur í sér heildstæða áætlun fyrir skjólstæðing í heilsueflandi þjónustu. Hér eru dregnir fram verkþættirnir sem hafa þarf með við gerð áætlunarinnar. Einstaklingsmiðuð áætlun er síðan gerð í samvinnu við hvern og einn skjólstæðing og er sérstaklega sniðin að hans þörfum.

• Skjólstæðingar þurfa að hafa fengið greinagóðar og auðskiljanlegar upplýsingar um eigin heilsu og ástand og þeir þurfa að vera virkir þátttakendur í sinni meðferð/áætlun. Þannig geta þeir tekið upplýstar ákvarðanir í samráði við meðferðaraðila sína. 
• Samkomulag og samþykki þarf að vera á milli skjólstæðings og þjónustunnar um innihald og framkvæmd einstaklingsmiðuðu áætlunarinnar. 
• Tilgreina þarf „málastjóra“ (HÖR hjúkrunarfræðing) sem er ábyrgur fyrir samhæfingu áætlunarinnar. 
• Ákveða þarfhvernig þáttum áætlunarinnar er skipt á milli heilbrigðisstarfsmanna sem taka þátt í þjónustunni við skjólstæðinginn.
• Eftirfylgd er jafnframt einstaklingsmiðuð og tekur mið af verkþáttum sem koma fram í áætlun hvers og eins.
• Áætlunin er endurskoðuð eftir þörfum með tilliti til verkþátta og gerðar eru viðeigandi breytingar í samráði við skjólstæðinginn og aðstandendur hans eftir atvikum.
• Taka þarf tillit til hvers konar fötlunar og/eða hindrana, þar með talið sjónskerðingar, þegar gerð er áætlun og umönnun fólks með færniskerðingu.