• Koma á reglulegu máltíðarmynstri með þremur meginmáltíðum + 2 millibitar, takmarka snarl milli mála 
•  Borða með fjölskyldunni við matarborðið
• Skjálausir matartímar
• Skapa næringarríkt og heilbrigt matarumhverfi heima t.d. með því að bæta aðgengi að heilsusamlegum fæðutegundum og gera þær sýnilegri börnunum
• Hvetja börnin til að taka þátt í matreiðslu, innkaupum, undirbúningi máltíða og nestis
• Ekki nota mat sem verðlaun
• Þjálfun í hæfilegum skammtastærðum
• Svengdar- og sedduþjálfun 

Markmiðið er að færa mataræði fjölskyldunnar í átt að ráðleggingum embættis landlæknis um mataræði (hlekkur). Þar er áherslan á hollt og fjölbreytt mataræði en það er hægt að setja það saman á marga mismunandi vegu. Mestu máli skiptir að fæðan sé næringarrík og fjölbreytt og að magnið sé hæfilegt og í samræmi við orkuþörf.  

Mikilvægt að forgangsraða breytingum og gera ekki of mikið í einu, áherslan er á að auka neyslu á lítið unnum næringaríkum fæðutegundum og draga úr mikið unnum, orkuríkum og næringarsnauðum matvælum: 

•  Auka fjölbreytni í fæðuvali
• Auka neyslu á grænmeti og ávöxtum 
• Draga úr neyslu á drykkjum sem innihalda kolvetni, s.s. gos, ávaxtasafar, svaladrykkir, djús, mjólk og mjólkurdrykkir, boost og svo framvegis
• Leggja áherslu á næringarríkan morgunmat
• Draga úr mjólkurdrykkju ef neysla yfir 500 ml á dag
• Draga úr skyndibita, sælgæti, kexi og bakkelsi
• Taka D vítamín daglega 

Almenn ráð tengt matvendni: 

• Fullorðnir ráða HVAÐ er í matinn og HVENÆR er borðað 
• Börnin ráða HVORT þau borða og HVERSU mikið þau borða 
• Bjóðið nýjan mat fyrst sem meðlæti 
• Hafið nýjan mat sýnilegan og gefið börnunum tíma til að kynnast honum með skynfærunum sínum: snerta, lykta, horfa og hlusta. Þetta er einnig hægt að gera utan matmálstíma. 
• Hvetjið til að smakka án allra þvingana 
• Ekki refsa né verðlauna með mat 
• Bjóðið ekki annan mat í staðinn ef barnið vill ekki það sem er í boði. Það er hægt að bjóða ákveðna valkosti innan máltíða svo hún henti öllum.  
• Leyfið barninu að skammta sér sjálft. Hægt er að hafa reglur um að sleppa megi einu eða tvennu. 
• Hvetjið börnin til að taka þátt í matreiðslu og undirbúningi máltíða. 
• Foreldrar eru fyrirmyndir barnanna þegar kemur að mat, mikilvægt að foreldrar borði fjölbreyttan og hollan mat með börnunum og veiti þeim jákvæðan stuðning. 
• Borðið saman við matarborðið og slökkvið á skjám, einblýnið á jákvæðar samræður. 
• Eldið fæðutegundir á mismunandi vegu, t.d. hrátt grænmeti, soðið, bakað, steikt og grillað. 
  

Ef mikil matvendni og/eða áferðarfælni er til staðar, barnið borðar fáar fæðutegundir, á erfitt með að auka fjölbreytni í fæðuvali og almenn ráð virka ekki, getur verið þörf á ráðgjöf hjá næringarfræðingi.