Andleg líðan hefur sterk tengsl við offitu hjá börnum. Stress, kvíði og lágt sjálfsmat geta tengst röskuðum matarvenjum og aukinni kyrrsetu. 

Styðjast má við núvitundaræfingar, hugræna atferlismeðferð og slökun til að hjálpa börnum og fjölskyldum að takast á við sálræn vandamál.

Samvinna við sálfræðinga er lykilatriði fyrir uppvinnslu og meðferð flóknari vandamála.

Mörg lyf sem notuð eru til að breyta hegðun og andlegri líðan geta haft áhrif á svengd og seddu (sem verkun eða aukaverkun). Lykilatriði er að meðferðaraðilar þeirra fylgist regulega með þyngd og hæð og bregðist við tímanlega ef breytingar verða.

Fimm leiðir að vellíðan
Skjátími
Núvitund 

Góður svefn hefur áhrif á stjórnun matarlystar og efnaskipta. Slæmar svefnvenjur geta aukið hungurhormón og haft neikvæð áhrif á orkujafnvægi líkamans. 

 

Svefn

Vellíðan leikskólabarna - Svefn og hvíld

 

Í næringarmeðferð barna með offitu er unnið með breytingar á hegðun í átt að því að skapa sér betri heilsu, líðan og sjálfsmynd. Markmiðið er að taka upp heilbrigðari matarvenjur með því að vinna með hvað er borðað en einnig hversu mikið, hvernig, hvenær og af hverju. 

 
Við upphaf næringarmeðferðar þarf mat á fæðuvenjum, fæðuvali og aðstæðum auk þess að spyrja um einkenni sem geta bent til matvendni eða áferðarfælni, raskaðra fæðuvenja eða átröskunar.  

Markmið næringarmeðferðar er að stuðla að heilsusamlegum fæðuvenjum og heilbrigðu sambandi við mat, hvetja til reglulegra máltíða og magnið sé hæfilegt og í samræmi við orkuþörf. Hvetja ætti til þess að neyta lítið unninar, næringarríkrar og fjölbreyttrar fæðu og stefna mataræði fjölskyldunnar í átt að ráðleggingum embættis landlæknis um mataræði.  Ráðleggingar um mataræði (nýjar ráðleggingar verða svo birtar um miðjan febrúar) 

 

Næringarmeðferð

 

Myndbönd:

Ráðleggingar um mataræði - 1. hluti
Ráðleggingar um mataræði - 2. hluti
Orkuþörf og skammtastærðir

Vellíðan leikskólabarna - Næring og matarvenjur

Hreyfing styður ekki bara við þyngdarstjórnun heldur einnig við hjarta- og æðakerfið, vöðvastyrk og andlega vellíðan. 

 

Mælt er með að minnsta kosti 60 mínúta hreyfingu daglega, hvort sem er skipulagðar íþróttir, styrktarþjálfun eða leikur.

 

Greina hindranir eins og takmarkað framboð á hreyfingu eða tímaþröng fjölskyldu og aðstoða við að finna praktískar lausnir eins og heimaæfingar eða koma með nýjar hugmyndir yfir það sem er í boði á hverjum stað. 

 

Hvetja til hreyfingar fyrir alla fjölskylduna og þátttöku allra sem eykur líkur á meðferðarheldni. 

Hreyfing - 1. hluti
Hreyfing - 2. hluti
Hreyfing - 3. hluti

Vellíðan leikskólabarna - Hreyfing og útivera