Jafnvægistruflanir og byltur eru algengar meðal aldraðra. Líkur á byltum aukast með hækkandi aldri. Afleiðingar byltna geta verið ýmsir áverkar og brot. Í kjölfarið kemur oft kyrrseta, minni virkni og skert færni vegna ótta við að detta aftur.
Sett eru fram viðmið fyrir greiningu á áhrifaþáttum jafnvægistruflana. Stefnt er að því að fólk fái greiningu á heilsuvanda sínum snemma svo það geti notið góðs af viðeigandi meðferð og draga megi úr einkennum sem og bæta lífsgæði.
Byltuvarnir í heilsugæslu - þrír lykilþættir:
- SKIMUN - Greina byltuhættu hjá skjólstæðingum
- MAT - Greina áhrifaþætti sem hægt er að meðhöndla
- ÍHLUTUN - Beita aðferðum sem draga úr áhrifaþáttum og minnka byltuhættu
Sett eru fram viðmið sem byggjast á mati á vísbendingum
- Meta byltuhættu/jafnvægistruflanir með GLASSBONES matstæki. Aðaláhrifaþættir byltna samkvæmt GLASSBONES eru:
- G - Greiningar
- L - Lyfjayfirferð
- A - Alkóhól og vímuefni
- S - Saga (byltusaga)
- S - Skoðun
- B - Beinheilsa
- O - Orthostatismi
- N - Næring og vökvainntaka
- E - Þvagleki (Elimination)
- S - Skynjun
Hafa skal samráð við aðra fagaðila innan heilsugæslu út frá niðurstöðu greiningar.