Verkþættir þjónustu í heilsugæslu - fyrir fólk með minnkaða andlega færni og jafnvægistruflanir
Hér eru sett fram viðmið sem ætlað er að tryggja að skjólstæðingar, með færniskerðingu og er í þjónustu heilsugæslunnar, fái grunnheilbrigðisþjónustu óháð búsetu.
Viðmiðunum er ætlað að vera leiðbeinandi fyrir þverfaglegan hóp heilbrigðisstarfsmanna sem sinna skjólstæðingum með færniskerðingu.
Sett eru fram viðmið um uppvinnslu með tilliti til jafnvægistruflana og minnkaðar andlegrar færni, hvaða verkþáttum er sinnt í heilsugæslu og hvenær rétt er að vísa áfram á göngudeildir fyrir aldraða.
Aðrar fagstéttir/heilbrigðisstarfsmenn sem sinna skjólstæðingi eru látnar vita og séð til þess að skjólstæðingur fái viðtöl hjá hjúkrunarfræðingi/málastjóra eða öðrum heilbrigðisstarfsmanni eftir þörfum og aðstæðum á hverri stöð/stofnun.
Í viðmiðunum kemur meðal annars fram að:
- Tilgreindur er „málastjóri“ (HÖR hjúkrunarfræðingur) sem er ábyrgur fyrir samhæfingu einstaklingsmiðaðrar áætlunar strax í fyrsta viðtali.
- Einstaklingsmiðuð áætlun er sett fram í samáði við skjólstæðing og aðstandendur hans eftir atvikum.
- Stefnt er að því að fólk fái greiningu snemma svo það geti notið góðs af viðeigandi meðferð til að draga megi úr einkennum sem og bæta lífsgæði.
- Tryggja þurfi jöfnuð í þjónustu við skjólstæðinga með færniskerðingu.
Þessar „leiðbeiningar“ innihalda viðmið fyrir eftirfarandi verkþætti:
- Upplýsingasöfnun og mat
- Einstaklingsmiðuð áætlun
- Lyf og lyfjarýni og meðferðarheldni lyfja
- Blóðprufur og rannsóknir
- Minnkuð andleg færni
- Jafnvægistruflanir - Glassbone
- Eftirfylgd einstaklingsmiðuð
- Mat - starfsemistölur, heilsufarstölur, gæðavísar
- Skráning í sjúkraskrá