Verkþættir þjónustu í heilsugæslu fyrir fólk með langvinnan heilsuvanda.
Hér eru sett fram viðmið sem ætlað er að tryggja að skjólstæðingar, með langvinnan heilsuvanda og eru í þjónustu í heilsugæslunnar, fái grunnheilbrigðisþjónustu óháð búsetu.
Viðmiðunum er ætlað að vera leiðbeinandi fyrir þverfaglegan hóp heilbrigðisstarfsmanna sem sinna skjólstæðingum með langvinnan heilsuvanda í grunnheilbrigðisþjónustu.
Í viðmiðunum kemur meðal annars fram að:
- Tilgreindur er málastjóri (hjúkrunarfræðingur) sem er ábyrgur fyrir samhæfingu einstaklingsmiðaðrar áætlunar.
- Einstaklingsmiðuð áætlun er gerð í samráði við skjólstæðing.
- Stefnt er að því að fólk fái greiningu snemma svo það geti notið góðs af viðeigandi meðferð til og draga megi úr einkennum sem og bæta lífsgæði.
- Tryggja þurfi jöfnuð í þjónustu við skjólstæðinga.
- Styðja þarf fólk í að taka málin í sínar eigin hendur með það að markmiði að draga megi úr einkennum heilsuvandans og bæta lífsgæði.
Þessar „leiðbeiningar“ innihalda viðmið fyrir eftirfarandi verkþætti:
- Upplýsingasöfnun og mat
- Einstaklingsmiðuð áætlun
- Eftirlit/eftirfylgd
- Blóðprufur og skoðun
- Lyf og lyfjarýni og meðferðaheldni lyfja
- Áhugahvetjandi samtal - hegðunarbreyting
- Áhrifaþættir á heilsu - forvarnir
Að greinast með einn sjúkdóm eða fleiri getur reynst afdrifaríkt því það getur haft í för með sér:
- Fjöllyfjameðferð sem getur leitt til milliverkana lyfja
- Skert lífsgæði
- Íþyngjandi áhrif af meðferð(treatment burden)
- Aukna þörf á heilbrigðisþjónustu, þar með talda bráðaþjónustu
Sérstök áhersla er lögð á sykursýki af tegund 2, ofþyngd/offitu, langvinna lungnateppu, hjarta- og æðasjúkdóma og hækkaðan blóðþrýsting.