Heilbrigði tanna skiptir máli fyrir almenna heilsu og vellíðan fólks á öllum aldri
Heilbrigði tanna skiptir miklu máli fyrir almenna heilsu og vellíðan fólks og fleiri halda eigin tönnum lengur. Með hækkandi lífaldri fækkar tönnunum en ákveðinn lágmarksfjöldi eigin tanna í hvorum gómi, sem miðast við 10 tennur, tryggir alla jafna viðunandi tyggingafærni og tjáningu.
Tæplega 50% Íslendinga á aldrinum 65-79 eru í dag með 10 eða fleiri tennur í hvorum gómi samanborið við tæplega 20% árið 2000.
Góð munnhirða er nauðsynleg þegar aldurinn færist yfir en samhliða hækkandi aldri getur færnin til að sinna eigin munnhirðu minnkað.
Vönduð tannhirða er lykillinn að því að tennurnar endist ævina út. Þetta er ekkert flókið.
Gakktu úr skugga um að þú notir réttu handtökin:
Með hækkandi lífaldri eru vandamál tengd tönnum oftar en áður til staðar hjá eldra fólki og tannvernd því afar nauðsynleg; en tannvernd snýst fyrst og fremst um góða munnhirðu, hollar neysluvenjur, notkun flúors/klórhexídíns og reglulegt eftirlit tannlæknis.
Góð munnhirða er nauðsynleg þegar aldurinn færist yfir en samhliða hækkandi aldri getur færnin til að sinna eigin munnhirðu minnkað. Laus eða föst tanngervi t.d. partar, krónur, brýr og tannplantar kalla á vandasamari þrif og þeir sem þarfnast umönnunar verða að geta treyst því að heilbrigðisstarfsfólk kunni réttu handtökin við munnhirðu og búi yfir nauðsynlegri þekkingu til að gefa góð ráð varðandi munnhirðu og tannvernd.
Sjúkratryggingar taka þátt í greiðslu vegna tannlækninga lífeyrisþega. Skilyrði fyrir greiðsluþátttöku er að lífeyrisþegar séu skráðir hjá heimilistannlækni. Hægt er að skrá sig hjá heimilistannlækni í Réttindagátt- mínar síður eða hjá tannlækninum. Einstaklingar sem fóru til tannlæknis eftir janúar 2017 eru nú þegar skráðir hjá viðkomandi tannlækni.
Sjá nánar á vef Sjúkratrygginga Íslands https://island.is/tannlaekningar
Þessi síða notar vafrakökur Lesa meira