• Fylgja skal markmiðum skipulagðrar fræðslu um tannvernd
• Í viðtali um heilsu og líðan í 1., 4., 7. og 9. bekk skal ræða um tannheilsu, greina tækifæri til að bæta hana og/eða styrkja góðar tannheilsuvenjur auk þjálfunar í tannburstun og hreinsun milli tanna með tannþræði

• Í einstaklingsviðtölum í 4., 7. og 9. bekk skal ræða um áhrif gos- og orkudrykkja 
• Hvetja skal börn til að velja vatn umfram aðra drykki

Forsenda gjaldfrjálsra tannlækninga er að börn hafi skráðan heimilistannlækni hjá Sjúkratryggingum Íslands (SÍ). Upplýsingar frá SÍ um skráðan heimilistannlækni birtast uppfærðar í Ískrá.

• Fara yfir listann „Án heimilistannlæknis“ í Ískrá í upphafi skólaárs og hvetja forráðamann til að panta tíma hjá tannlækni. Einnig skal forráðamönnum greint frá því að börn fái tannskoðun skólahjúkrunarfræðings ef þau hafa ekki skráðan tannlækni í nóvember.
• Ávallt skal stofna samskipti með viðfangsefninu „Án heimilistannlæknis" sem birtast forskráð ef tvísmellt er á „óskráð samskipti" í listanum.
• Ef barn er enn á listanum eftir 3 mánuði (nóv) skal skoða tennur þessara barna og skrá undir „Líkamsmat“ í Ískrá. Hafa skal samband við forráðamann símleiðis og gera grein fyrir því ef merki eru um skemmdar tennur eða slæma tannhirðu. Hvetja skal forráðamenn til að panta tíma hjá tannlækni og jafnvel aðstoða þá við að panta tíma hjá tannlækni í sínu nærumhverfi.
• Ef barn er enn á listanum 3 mánuðum síðar (feb/mars) skal haft samband við forráðamenn og leita viðeigandi leiða til að barnið fái tannlæknaþjónustu, svo sem með aðstoð félagsþjónustu og/eða barnaverndar. Skrá skal áætlun/aðgerðir í framvindu fyrri samskipta.

Foreldrabréf

í september

Til foreldra og forráðamanna

Forsenda gjaldfrjálsra tannlækninga er að börn hafi skráðan heimilistannlækni hjá Sjúkratryggingum Íslands (SÍ). Samkvæmt SÍ er barn þitt ekki með skráðan heimilistannlækni. Hægt er að skrá heimilistannlækni á heimasíðu SÍ og eruð þið hvött til þess ásamt því að panta tíma hjá tannlækni sem fyrst. Skólahjúkrunarfræðingur skoðar tennur þeirra barna sem ekki hafa skráðan heimilistannlækni í nóvember. Haft verður samband ef merki eru um skemmdar tennur eða slæma tannhirðu. Leitað verður viðeigandi leiða til að barnið fái nauðsynlega tannlæknaþjónustu.

Ef þið hafið einhverjar spurningar er ykkur velkomið að vera í sambandi.